«عديم الشخصية».. منال في دعوى خلع: مش حساه راجل وعايشه بتحكمات إخواته وأوامرهم

حياة بائسة عاشتها «منال» أقل ما يقال عنها تعاسة بمعنى الكلمة؛ لما شهدته من إهانة وذل طوال سنوات حياتها في عش الزوجية لأكثر من 11 عامًا على هذا الحال وبعد تحملها لهذه السنوات قررت اللجوء إلى محكمة الأسرة.

قصص محكمة الأسرة.. اخواته سبب كل المشاكل

"أخواته بيحرضوه عليا من ساعة ما اتجوزت وهو ماشي وراهم في مل حاجة حتى لو هما اللي غلطانين"، بهذه الكلمات بدأت بها الزوجة حكاياتها لقاضي محكمة الأسرة مؤكدة أنها تعاني منذ سنوات طويلة بسبب تدخل أهل الزوج المستمر في حياتهما، وكان هذا السبب الرئيسي في نشوب الخلافات والمشكلات بينهما.

حكايات محكمة الأسرة

نشبت المشكلات بينهما كثيرًا وتدخل الأهل من أجل تهدئة الأوضاع ولكن لم تجدي أي محاولات نفعًا معه، استكملت الزوجة حكاياتها: "سبت البيت كتير وطلبت الطلاق كذا مرة بسبب القرف اللي أنا عايشه فيه بس أهلي مكنوش بيوفقوا خالص وكل مرة يقولولي استحملي وعدي عشان خاطر العيال وعشان منخربش بيتك، كنت بعدي وبسكت عشان خاطر البيت فعلا بس مكنتش فاكرة إنه ممكن يتغير ويبطل اللي هو بيعمله دا عشان المركب تمشي"

اقرأ أيضا

روايات محكمة الأسرة.. إسراء: طردني أنا والعيال عشان أمه عايزة كده

دعاوي محكمة الأسرة.. منال في دعوى خلع

تمادت الخلافات وفقدت الزوجة السيطرة والتأقلم على هذا الوضع الذي كان يؤدي لتفاقم المشكلات باستمرار بينهما، أكملت حكاياتها: "صبرت كتير عل أمل إن في حاجة تتغير بس مفيش فايدة بالعكس المشاكل بتزيد بينا بسبب تدخل أهله اللي بيتحكموا في كل حاجة، وهو ملهوش شخصية خالص، ماشي وراهم في كل حاجة حتى لو أخواته قالوا له اضربها من غير ما يسمه مني أي حاجة يجي يضربني فعلا عشان هما قالوا له كدا، أنهت رواياتها قائلة: "مش حاسة إني مع راجل يحميني ويخاف عليا وهو ملهوش شخصية كدا، وماشي ورا اخوته وأهله في كل حاجة ومش مهم عنده مراته وبيته".