أخبار محكمة الأسرة
«مليش في كوكو الضعيف».. مريم: فهمني إنه مبيشتريش سجاير وطلع ديلر
دعوى طلاق قصدتها مريم في محكمة الأسرة بعد سنة ونصف من الزواج فقط؛ بسبب اكتشافها تجارة زوجها في المخدرات على الرغم أن كل معرفتها عنه أنه لا يحب المخدرات والإدمان، وكانت المفاجأة عندما اكتشفت إنه تاجر مخدرات، لم تتردد للحظة واحدة ولجأت إلى محكمة الأسرة على الفور من أجل رفع دعوى طلاق.
عجائب محكمة الأسرة.. طلع تاجر مخدرات ومفهمني إنه مبيدخنش
حياة مختلفة تمامًا بعيدة عن التي رسمتها في بالها، تحطمت احلامها في السنة الثانية من الزواج بسبب ما اكتشفته عن الزوج الذي صور لها انه رجل أحلامها، بدأت الزوجة حكاياتها لقاضي محكمة الأسرة وأول ما قالته هو: "ضحك عليا وطلع تاجر مخدرات ومدمن بعد ما ما كان مفهمني إنه مبيحبش المخدرات ولا أي حاجة حتى شرب السجاير كان مفهمني إنه بيكرها ومكنش بيدخن فعلًا خالص ولا شوفته في مرة مسك سيجارة من ساعة ما عرفته".
قصص محكمة الأسرة
استرجعت الزوجة حكاياتها في بداية تعارفهما قائلة: "أول ما اتعرفنا على بعض وهو كويس معايا جدًا ومفيش منه اتنين في كل حاجة بجد، كل الناس كانت بتحسدني عليه عشان كان بيحبني اوي وبيعمل لي كل اللي أنا عايزاه، وكان حنين عليا وطيب، واللي كان محببني فيه إنه راجل محترم مش زي شباب اليومين دول خالص"، على أساس هذا رسمت مريم حياتها الوردية في عش الزوجية ولكن لم يستمر الحال سوى سنة ونصف فقط.
حكايات محكمة الأسرة.. طلع مستغفلني كل دا
تبدل الحال في السنة الثانية من ازواج بعد ما وجدت تغيير كبير في معاملة الزوج وبعد تتبعها ما السبب وراء اتحول الجذري هذا وجدت المفاجأة الكبرى التي جعلتها تقصد محكمة الأسرة فورًا من أجل رفع دعوى طلاق، تستكمل حكاياتها قائلة: "فجأة لقيته متغير معايا من غير أي سبب، استغربت وهو بدأت أحس إن في حاجة مش مظبوطة وإنه مش على بعضه، وكنت حاسة إن في حاجة هو مخبيها بسبب سهره الكتير برا من غير أي سبب وكلما أقوله في إيه يقول لي مفيش أي حاجة خالص"، أنهت حكاياتها وقالت: "مشيت ورا احساسي وبدأت افتش غفي موبايله واشوف هو بيعمل إيه، لقيت حاجات غريبة وطلع هو وصاحبه بيتاجر في المخدرات، مكنتش مصدقة نفسي وقلت أكيد في حاجة غلط بس مطلعش غلط ولا حاجة وطلع فعلا تاجر مخدرات ومخبي عليا كل دا".