البلطجة تحاصر مدرسة أحمد بهجت في الهرم.. والأهالي: «بيثبتوا ولادنا وتوعدونا ينتقموا»
حالة من الذعر يعيشها أولياء الأمور بـ مدرسة أحمد بهجت الرسمية المتميزة لغات بمساكن كفر الجبل، التابعة لإدارة الهرم التعليمية، نتيجة انتشار أعمال البلطجة والترهيب من قبل بعض الشباب.
البلطجة تحاصر مدرسة أحمد بهجت في الهرم
وعاش الطلاب وأولياء أمورهم يومًا دراسيًا عصيبًا جراء أحداث عنف قام بها عدد من الشباب الذين يقومون بتثبيت أبنائهم وأخذ المتعلقات الثمينة (موبايل، ساعات، أدوات مدرسية، وشنط، وغيرها).
وقام مجموعة منهم صباح اليوم الثلاثاء بالتعدي على أحد طلاب إعدادي ومحاولة (تثبيته)، إلا أن أحد زملائه نجح في إدخاله لفناء المدرسة مما تسبب في قيام اثنين منهم برمي الطوب على شبابيك المدرسة وأبوابها رغبة في الدخول، ليقوم أولياء الأمور على إثر ذلك بمخاطبة قسم الشرطة المختص للتدخل.
تقول إحدى أولياء الأمور لـ الحادثة:" فيه أولاد بيثبتونا وبياخدوا أي حاجة معانا أو ولادنا على مدار أيام السنة الدراسية كاملة، وده خلانا كلمنا المسؤولين في المدرسة والإدارة التعليمية لكن مفيش تحرك»، مضيفة : «النهاردة ولد من إعدادي خرج حاولوا يثبتوه لكن زميله عرف يدخلوا المدرسة تاني وينجده من إيديهم وده خلاهم يحدفوا المدرسة بالطوب».
وتابعت: «شوية من العيال دول نطوا جوه المدرسة والتانيين فتحوا الباب ونزلوا في الأطفال ضرب بالخرزانة، وعملوا حالة من الذعر، ولما لقينا المشهد كده اتصلنا بالشرطة فجت ومسكت ولدين منهم، وبعدين لقينا أصحابهم بينزلوا تهديد على صفحاتهم ويتوعدوا عيالنا».
وأضافت: « حررنا محاضر ولجأنا لمجلس الوزراء ووزارة التربية والتعليم والداخلية بشكاوى، وفي الآخر قالوا هيكون فيه دورية شرطة هتكون موجودة أيام الامتحانات، لكن احنا عاوزينها ثابتة لأن عيالنا خايفين واحنا خايفين عليهم خاصة لما يكون فيه 4 مدارس في المنطقة دي وكلهم مهددين من البلطجية». لمشاهدة الفيديو اضغط هنا