أخبار محكمة الأسرة
محكمة الأسرة وعجائبها.. ولاء: طلقني عشان رفضت جوزاه من واحدة قد أمه
8 سنوات من الاستقرار التام نعمت بهم ولاء في عش الزوجية مع رجل يرعاها هي وأولادها، حياة مثالية بمعنى الكلمة كانت محط أنظار للكثير ولكن لم تستمر هذه المثالية طويلا وفوجئت في السنة التاسعة أنه يريد الزواج من أخرى، وعندما رفضت لقت نصيبها بالطلاق وإنهاء حياتها الزوجية، بدأت تعرف طريق محكمة الأسرة من أجل إقامة دعوى نفقة.
حكايات محكمة الأسرة.. حياتنا كانت مثالية
بدأت المشكلات الزوجية بعد ما لاحظت الزوجة تغيره المفاجئ معها في التعامل، حاولت أن تفهم ما الخطأ ولكن لم يعطي لها الفرصة وكان هذا سبب الرئيسي في تصاعد الخلافات بينهما، تابعت حكاياتها لقاضي محكمة الأسرة: "كان كويس معايا ومفيش أي مشاكل بينا، ب سفجأة بقا يعاملني بطريقة غريبة أنا مش فاهمها خالص، اتكلمت معاه مرة عشان أحاول أفهم إيه الغلط بس هو مكنش مديني فرصة خالص وكان علطول بيزعقلي ويقول ل يمفيش أي حاجة عادي".
قصص محكمة الأسرة.. عايز يتجوز واحدة قد أمه
تكررت الخلافات للسبب ذاته ما جعل الشك يحاوط الزوجة بأنه يوجد أمر خفي لا تعرفه يجب عليها التوصل إليه، استكملت ولاء حكاياتها لقاضي محكمة الأسرة قائلة: "حاول أتكلم معاه كتير عشان افهم الغلط بس كل مرة يقلبها بخناق ويقولي مفيش حاجة، ويكمل معاملاته الغريبة معايا، ومبقاش يقعد معايا خالص ولا مع العيال، وعلطول برا البيت، بيجي أوقات قليلة خالص غير كدا برا البيت علطول"، عندما بدأت في البحث وراءه وجدت ما لا تتوقعه، تابعت: "فتشت في موبايله ولقيت اللي مكنتش متوقعاه أبدًا، لقيته بيكلم واحدة قد أمه ومش بس كدا لقيته بيقولي أنا عايز اتجوزها".
روايات محكمة الأسرة.. لما اعترضت طلقني
اعترضت ولاء على طلبه وكانت النتيجة في النهاية طلاقها، وبدأت رحلتها في محكمة الأسرة من هنا بحثًا عن نفقة لأولادها الصغار الذي أهملهم ولا يعرف عنهم كبيرة أو صغيرة، استكملت رواياتها قائلة: "طلقني عشان موافقتش يتجوز تاني، ومن ساعاتها منعرفش عنه حاجة ولا يعرف حاجة عن العيال، ولما جيت أكلمه على فلوس للعيال قالي أما مليش دعوة، روحت رفعت قضية نفقة طالما مش راضي يديني مصاريف بالزوق".