أخبار محكمة الأسرة
«14 سنة محاكم».. أميرة لـ محكمة الأسرة: عايز يتنازل عن العيال لأخته
دعاوي نفقة رفعتها «أميرة» في محكمة الأسرة منذ انفصالها عن زوجها من 14 عامًا، منذ انفصالها وما كانت تأمله هو أن تحصل على حقوق أبنائها من زوجها، لكن الزوج لسنين لم يخضع للقضايا التي رفعتها الزوجة ورفع أمامها قضايا في محاولة منه إن يمتنع عن دفع النفقة لأولاده، ولسنين كانت محكمة الأسرة هي المكان الذي تواجد فيه الزوجين ولم تحل مشاكلهم حتى الآن.
قصص محكمة الأسرة..رافعين على بعض قضايا من ساعة الطلاق
قالت «أميرة» في بداية حديثها: «أنا متجوزة من سنة 1993، خلفت من جوزي 4 ولاد، وكلهم كبار دلوقتي، احنا متطلقين بقالنا 14 سنة ومن ساعة ما اتطلقنا وأنا وهو رافعين على بعض قضايا في محكمة الأسرة».
دعاوي محكمة الأسرة..بتاع ستات وبيشرب مخدرات
أكملت «أميرة» حديثها وقالت: «السبب اللي خلاني سيبت جوزي هو إنه كان بتاع ستات وبيعرف عليا ستات كتير، وبيشرب مخدرات وخمرة وكل حاجة، مكنش كدة طول عمره لكن اشتغل في مكان جديد اتعرف فيه على ناس مش كويسة هما السبب في اللي هو فيه ده ».
حكايات محكمة الأسرة..مبيصرفش وعايش مع نفسه بقاله سنين
تابعت «أميرة» حديثها قائلة: «من ساعة الطلاق وهو مبيصرفش جنية ولا على البيت ولا على الولاد ومع نفسه ومن ساعة ما سيبته، رفعت عليه قضية نفقة وبعد كدة زيادة نفقة وهو عمل كل اللي يقدر عليه عشان ميدفعش النفقة، كل شوية يرفع قضايا قصادي يا إما تقليل نفقة، أو يشيل ابني الكبير او يحاول يثبت إنه مرتبه قليل واتجوز عشان يتحجج انه مش هيقدر يصرف على بيتين بقالنا سنين عايشين في الوضع ده».
قضايا محكمة الأسرة..عايز يتنازل عن العيال لأخته
أنهت «أميرة» حديثها قائلة: «تعبت معاه ومش عارفة اخد منه حاجة ورامي ولاده مش بيسأل عليهم ولا هما بقوا عايزين يشوفوه، حتى المكان اللي شغال فيه متعاون معاه ومش بيدوني النفقة مش عايزين يدوني فلوسي وبيقولوا مش هتاخدوا حاجة طبعا ده كله بعد اتفاقه معاهم، واخر حاجة جيت المحكمة عشان رافع قضية عشان يتنازل عن العيال لأخته هي اللي تدفع النفقة وهي أصلا مسافرة وملهاش دعوة بينا».