أخبار محكمة الأسرة
عجائب محكمة الأسرة.. سمر: عاوزة اخلعه بعد مالقيت العوض
قصدت سمر في محكمة الأسرة بعد مشكلات وخلافات كثيرة حاصرت حياتهما الزوجية وكان السبب الأساسي في مساعدتها عندما تأكدت أن هناك فرصة أفضل تنتظرها مع رجل أخر، وكان هذا السبب الذي جعلها تقصد محكمة الأسرة وترفع دعوى خلع.
قصص محكمة الأسرة
"كنت بحاول أمشي الدنيا معاه من ساعة ما اتجوزته بس هو مكنش بيحاول معايا خالصن وكنا علطول مشاكل وخناقات بسبب إنه بيسيب البيت كتير وبيسيبني أنا والعيال من غير مصاريف"، كانت هذه العبارات الأولى التي بدأت بها سمر رواياتها لقاضي محكمة الأسرة بعد ما قررت إقامة دعوى خلع، استرجعت الزوجة حياتها في بداية الزواج مضيفة أنها كانت حياة لا بأس بها، على الرغم من وجود مشكلات وخلافات كثيرة إلا أنها تحملت معه كل الصعوبات التي واجهاتها في حياتها معه.
حكايات محكمة الأسرة.. بيسيب البيت وقت ما يحب
ازدادت المشكلات بطريقة جعلتها تفكر في الانفصال ولكنها كانت تضع أولادها أولوية أمامها حتى لا تخسر حياتها، ولكن لم يتغير الحال واستمرت طريقة حياتهما على هذا النمط، استكملت حكاياتها: "صبرت واستحملت معاه كتير عشان أعدي ومقفش على الواحدة بس هو بيزودها مع الوقت بسبب بروده وطريقته اللي مبقتش مستحملاها معاه خالص"، تابعت الزوجة قائلة: "كنت كل ما افكر في الطلاق ارجع أقول لا مخربش البيت عشان خاطر العيال واستحمل يمكن ينغير بس مكن شفيه أي حاجة بتتغير خالص، ولسة زي ما هو بيسيب البيت وقت ما يحب ويرجع البيت وقت ما يحب ومش مهم أي حاجة تانية".
روايات محكمة الأسرة.. رفعت عليه خلع عشان لقيت العوض
عزمت سمر على الانفصال بعد ما تأكدت من أن هناك فرصة جيدة لها تنتظرها، تستكمل رواياتها لقاضي محكمة الأسرة: "واحدة جارتنا كانت شايفة أنا بعاني ازاي معاه وشايفة حياتها عاملة ازاي، عشان كدا قالتلي سيبك من جوزك وتعالي اجوزك ابني، هو مسافر بس أول ما يرجع هيتجوزك علطول، وكلمته ووعدني بالجواز بعد ما يرجع على طول، ولما رجع اتكلمنا وقالي هتجوزك بس روحي ارفعي قضية خلع الأول على جوزك، روحت فعلا رفعت قضية خلع بقالي 5 شهور"، ولا تزال القضية منظورة في محكمة الأسرة حتى الآن.