أخبار محكمة الأسرة اليوم
محكمة الأسرة.. وفاء: أخواته المتطلقين عايزين يخربوا بيتي
مثل العديد من السيدات كان سبب تواجد وفاء في محكمة الأسرة هو أهل زوجها الذي أهانوها وظلموها معهم طوال فترة زواجها، وقصدت الزوجة هذا الحل الأخير الحل الأخير بسبب الظلم والمعاناة من زوجها الذي لم يصونها وأهل زوجها الذي لم يتقوا الله فيها واستمروا في ظلمهم لها حتى اضطروها أن تتوجه لمحكمة الأسرة بحثا عن حريتها وحقوقها التي حرمت منها طوال حياتها .
محكمة الأسرة.. وفاء: أخواته المتطلقين عايزين يخربوا بيتي
قصص محكمة الأسرة.. كنت عايشة حياة طبيعية مع جوزي
قالت «وفاء» في بداية حديثها: «أنا اتجوزت من ٦ سنين خلفت من جوزي ولد الدنيا كانت ماشية ومفيش مشاكل في الأول كنا عاديين وهو كان محترم وكويس، الحياة معاه كانت طبيعية جدا وعرفنا بعض واتجوزنا عن طريق إننا كنا جيران وكنت عارفاه من زمان».
حكايات محكمة الأسرة.. عايشة في مشاكل بسبب أخوات جوزي
تابعت «وفاء» حديثها قائلة: «اتجوزت في بيت عيلة عشان ظروف جوزي مكنش يقدر يجيب شقة بره، أخواته البنات كانوا متطلقين وقاعدين مع حماتي وكل شوية في مشاكل بسببهم، كانوا منغصين عليا حياتي اخوات جوزي وأمه في الرايحة والجاية شتيمة وإهانة وصبرت على جوزي عشان متبهدلش ونكمل أنا وجوزي سوا وبيتنا ميتخربش».
دعاوي محكمة الأسرة.. أهل جوزي ضربوني عشان يسقطوني
أضافت «أروى»: أنا كنت بشتغل والشغل كان باعدني عن أهل جوزي وقلت خلاص مفيش مشاكل وأكبر دماغي عنهم، بس حملت وقعدت في البيت وقتها المشاكل زادت أكتر وأكتر، لحد أخر مشكلة حصلت مع أخوات جوزي وأ هله ضربوني وأنا حامل عشان أسقط رفعت عليهم قضية وقررت أسيب البيت وأمشي، ومشيت بسبب اللي عملوه معايا هما مكنوش عايزني أرجع بيتي في الاخر وهو ملوش كلمة قصاد أهله خالص بيسمع كلامهم ومش بيقف معايا خالص».
قضايا محكمة الأسرة.. رفعت قضية بسبب عمايل جوزي وأهله
أنهت «أروى» حديثها قائلة: «لحد ما لقيت أنهم وصلوا للدرجادي قررت أسيب الييت وانفصل عن جوزي ولما مسألش فيا أنا وابنه واللي أنا حامل فيه، جيت أرفع قضية خلع ونفقة عشان حقي أنا وابني اللي ضاع مننا بسبب جوزي وأهله».