محكمة الأسرة اليوم
محكمة الأسرة.. أمنية: موظف ومعاه فلوس وبيسيب لي 500 جنيه في الشهر
دعوى نفقة أقامتها أمنية في محكمة الأسرة بعد مشكلات مع زوجها استمرت لأكثر من خمسة أعوام بسبب المصروف الشهري للمنزل، وبعدما تفاقمت المشكلات قررت اللجوء إلى محكمة الأسرة في النهاية ورفع دعوى نفقة.
حكايات محكمة الأسرة.. ماسك إيده في المصاريف
سئمت الزوجة من حياتها المليئة بالمشكلات بسبب الزوج المصر على عدم الإنفاق على زوجته وأولاده، واستكملت حكاياتها قائلة: "ماسك إيده في المصاريف عليا أنا العيال وبيطلع عيني عشان يسيب لي أي فلوس أعمل إية لقمة للعيال، ولو حن عليا بيسيب لي ملاليم ما تجبش أي حاجة خالص".
قصص محكمة الأسرة.. موظف وبيسيبلي 500 جنيه في الشهر
تصاعدت المشكلات لهذا السبب الذي حاولت أمنية التأقلم معه أو إيجاد أي حل، ولكن الزوج لم يساعدها، واستمر في إصراره على عدم الإنفاق، تابعت: "اتخانقنا كتير وسبت البيت كتير بسبب موضوع الفلوس دا وهو ولا هنا، بيسيب لي 500 جنيه في الشهر وعايزني أمشي البيت بيهم معرفش ازاي، ومبيكفوش أي حاجة بجد، مع إنه بيشتغل موظف ومعاه يصرف على البيت بس هو مش راضي وماسك في الفلوس أوي".
دعاوى محكمة الأسرة.. أمنية في دعوى نفقة
لجأت أمنية إلى محكمة الأسرة بعدما وجدت أنه لا يوجد أمل في زوجها علاوة على المشكلات المستمرة بسبب المصروف الشهري، وأنهت روايتها قائلة: "خلاص تعبت من المشاكل ليل ونهار بسبب الفلوس وهو مش في دماغه حاجة، ومفيش فايدة معاه وهي الفلوس هي هي اللي بيسيبها لي، رحت رفعت قضية نفقة بقالي 7 شهور"، ولا تزال القضية منظورة في المحكمة حتى الآن.