هايدي لـ محكمة الأسرة: مبيخلفش وظلمني معاه وكل التحاليل كانت مضروبة

كان سبب تواجد هايدي على أبواب محكمة الأسرة وهي تحمل الأسى الحزن والدموع على خديها هو الكذب والخداع الذي تعرضت له في حياتها من الشخص الذي وفعت في حبه واختارته أن يكون شريك حياتها ولكن ما وجدته منه هو الكذب عليها، وعندما علمت الزوجة بخداع زوجها لها وحرمانه لها من نعمة الأطفال بسبب كذبه توجهت لمحكمة الأسرة لترفع دعوى خلع لتحصل على نهاية لقصتها.

قصص محكمة الأسرة..اتمنيت يبقى ليا بيت وأسرة 

قالت «هايدي» في بداية حديثها : «أنا اتجوزت من ٣ سنين، اتعرفت على جوزي وكنا بنحب بعض واتقدملي واتخطبنا واتجوزنا كل حاجة كانت كويسة في الأول ومفيش أي مشاكل منه أو من أهله كانت كل حاجة طبيعية، أنا كنت بحبه واتمنيت إن يبقى ليا بيت وأسرة معاه». 

حكايات محكمة الأسرة..أنا وجوزي مخلفناش

تابعت «هايدي» حديثها قائلة: «بعد الجواز بفترة ربنا مارادش إني أحمل وقتها رحت أنا وجوزي نكشف عند الدكتور عشان نعرف لو فيه مشكلة بس لما عملنا تحليل طلع مفيش حاجة عندي أو عنده ووقتها هو اللي وداني نعمل التحاليل وهو اللي جاب النتيجة، وصبرت ساعتها على مشيئة ربنا وقلت ان شاء الله يكرمنا».

دعاوي محكمة الأسرة..التحاليل كانت مضروبة

اكتشفت الزوجة أن زوجها شريك حياتها يكذب عليها وحرمها من نعمة الأطفال وحرمها من اختيار أن تكمل حياتها معه أو تتركه وتركها تتألم من الحركان ولم يكن في قلبه رحمة تجاهها
أضافت الزوجة: «الموضوع بعد كدة بقى عامل مشاكل بينا وبقينا كل شوية في خلاف بسبب إن لسه محصلش خلفة وأهله بقوا يقولوا ان المشكلة من عندي وانه لازم يتجوز، لحد ما أهلي قالولي على دكتور ورحت وريته التحاليل واكتشفت ساعتها إن التحاليل اللي جوزي عاملها الأول كانت مضروبة».

قضايا محكمة الأسرة..جوزي عقيم وظلمني معاه

أنهت «هايدي» حديثها قائلة: «اكتشفت ان جوزي هو اللي عقيم ومبيخلفش وضحك عليا وفهمني ان المشكلة من عندي وأنا كويسة وسليمة ، ولما واجهته مأنكرش مقدرتش أكمل معاه لأنه كدب وظلمني معاه أنا طان ممكن استحمل لو قالي الحقيقة، عشان كدة رفعت عليه قضية خلع لأنه رفض الطلاق الودي وقالي اللي عندك اعمليه».