أخبار محكمة الأسرة اليوم
قضايا محكمة الأسرة .. سامح : مراتي سايقة العند ومفيش حاجة عاجباها
«سامح» زوج حضر إلى محكمة الأسرة بسبب زوجته التي لم تصن نعمة البيت التي أنعم الله بها عليها، فقد تزوجا منذ 6 سنوات وكان رجلًا يتقي الله في بيته وأسرته ولم يتوقع أن تصل الأمور لما وصلت له، بعد أن رفعت عليه عدة قضايا أولهم الخلع ثم النفقة فقط لتعكر صفو حياته.
قصص محكمة الأسرة.. كنت بعدي الدنيا عشان العيال
قال «سامح» في بداية حديثه: «أنا اتجوزت مراتي من 6 سنين وخلفنا بنت وولد والدنيا كانت طبيعية وكويسة في الأول، كان بيحصل بينا خلافات زي أي اتنين متجوزين بس مكنتش مشاكل كبيرة وأنا كنت بكبر دماغي وأعدي المشاكل عشان البيت ميتخربش والدنيا تمشي».
حكايات محكمة الأسرة.. مراتي بتقول أنها مش مبسوطة معايا
تابع «سامح» حديثه قائلا: «لحد ما مراتي رفعت عليا قضية خلع ورفعتها عليا بعد ما سابت البيت، أحنا كان فيه بينا مشاكل بس مش لدرجة أنها ترفع عليا قضية خلع رفعت القضية وقالت للناس أنها رفعتها لأنها مش مبسوطة معايا ومش عايزة تكمل ومقالتش أي سبب مقنع».
دعاوي محكمة الأسرة.. بتعيط بعد الحكم بالخلع
بعد محاولات عديدة من الزوج ليرجع زوجته لبيتها ولا يخرب حياتهم، أصرت الزوجة على رأيها ودمرت أسرتها ولم يكفيها ما فعلته بل قررت أن تدمر حياة زوجها حتى بعد تركها له فقط لأنها تعلم أنها خسرت رجل كان يصونها ويحترمها.
أضاف الزوج لكلامه: «فضلت 6 شهور أحاول أصالح فيها عشان ترجع لبيتها والعيال يتربوا بينا لكن هي رفضت الصلح، عرضت عليها كل حاجة عشان توافق ترجع لكن مفيش حاجة عاجباها رفضت تماما أنها ترجع وصممت على الخلع، عقبال جلسة الحكم كنت أنا شفت حياتي واتجوزت واحدة قريبتي ولما هي عرفت إني اتجوزت انهارت وكانت بتعيط بعدما اتحكملها بالخلع».
قضايا محكمة الأسرة..بتخليني أشوف ولادي بالعافية
أنهى «سامح» حديثه قائلا: «كملت في القضايا ورفعت عليا قضية نفقة بالرغم إني قلتلها هديكي الفلوس اللي تكفيكي أنتي والعيال لحد عندك، لكن هي برضو رفعت عليا قضية نفقة وهدفها بس أنها تبهدلني في المحاكم، لسه سايقة العند وهو ده كان سبب اللي سيبنا بعض عشانه، ودلوقتي مبتخلنيش أشوف ولادي غير بالعافية».