فئات ممنوعة من الصيام في رمضان.. يسبب مخاطر صحية

"لو انت واحد من الناس اللي هنتكلم عنهم دول أوعى تصوم في رمضان".. الدكتور حسام موافي أستاذ طب الحالات الحرجة بالقصر العيني اتكلم عن الفئات المصابة بأمراض مزمنة، وقال إنهم لو صاموا في رمضان ده هيتسبب ليهم بمضاعفات خطيرة.

"والفئات دي هم مرضى الكلى وهبوط ووظائف الكلى وارتفاع نسبة الكرياتينين في الدم.. دول لازم يفطروا لإن جسمهم بيحتاج المياه بشكل دوري".
وكمان مرضى الكبد اللي بيعانوا من انخفاض الألبومين ممنوع صيامهم، لإنهم بياخدوا علاج كل 6 ساعات ممنوع يأخروه، وطبعا مرضى السكر اللي بياخدوا أنسولين ممنوع عليهم الصيام، وفي النهاية كل حالة مريض مختلفة اللي هيفصل فيها الطبيب.