ننشر نص اعترافات المتهم الرئيسي في قضية مقتل الضابط اليمني

قررت الدائرة 13 المنعقدة بمحكمة جنوب القاهرة، تأجيل محاكمة المتهمين بقتل اللواء اليمني الجنسية حسن العبيدي داخل شقته، بغرض سرقته في الجيزة، لـ 6 مارس الجاري.

نص اعترافات المتهم الرئيسي في قضية مقتل الضابط اليمني

كشفت أوراق القضية في مقتل  الضابط اليمني اللواء حسن العبيدي ، وننشر نص اعترفات المتهم الرئيسى فى قضية وجاء بنص التحقيقات :

ومثل أمامنا المتهم الأولى ويرتدى من الأعلى ملابس لون رمادي في احمر وبنطال رياضي كحلى اللون حافى القدمين.

وبمناظرة الظاهر من جسده لم تتبين ثمة اصابات تفيد التحقيقات، وبسؤاله عما اذا كان به اى اصابات تحت ما تستره ملابسه فأجاب سلباً، هذا وسألناه شفاهه عن الاتهام المنسوب اليه بعد احاطته علما به وبعقوبته فأقر به وقرر انه وبناء على اتفاقه مع المتهمين السرقة المجنى عليه توجهوا الى محل سكنه وقاموا بالصعود للشقة محل سكنه وتعدوا عليه بالضرب باستخدام اسلحة بيضاء "مطواه وسكين" فتمكنوا بتلك الوسيلة من سرقة جميع المنقولات المتواجدة بالشقة ومبالغه الماليه وسيارته والفرار هاربين الى ، محل سكنه بمنطقة امبابة ورأينا أخذ توقيعه على ذلك .

وبسؤاله عما اذا كان يوجد ثمة مدافع محدداً يحضر معه اجراءات التحقيق فأجاب سلباً.

وبناءاً عليه تم انتداب احمد ابراهيم  المحامى ويحمل رقم قيد ۳۲۷۱۸۸ ، وبمناسبة تواجد المتهم امامنا شرعنا فى استجوابه بالاتي اجاب:

س : ما اسمك وعنوانك ؟
اسمی رمضان محمد بلیدى على ٢٩ سنة سائق، ومقيم شارع الاقصر - الامام الغزالي - بشتيل - وله عنوان اخر / دمو - مركز الفيوم - الفيوم
ويحمل رقم قومى / ۲۹۵۱۰۱۲۲۳۰۱۳۵۱

س: ما تفصيلات اقرارك بما أسفرت عنه التحريات ؟

ج : اللي حصل ان انا واسراء متجوزين من حوالي ثلاث شهور واخدتها من الفيوم وترك تعدنا عند اهلها في البساتين وبعدها بفترة اخدنا شقة في امبابة وقعدنا مع بعض وفى يوم الأربع الموافق ٢٠٢٤/٠٢/١٤ اسراء جت قالتلى انها قابلت واحد سعودى وركبت معاه العربية وقالها انا ا عايزك وعايز واحدة معاكى تيجوا بكره تقضوا معايا ليلة وساعتها قالتلى ان الراجل دا غنى

من وما هي حالتك الاجتماعية ؟
ج: انا كنت متجوز واحدة اسمها / شرين بس انفصلت عنها بعد ما خلفت منها ولد اسمه محمد وبعدها بحوالي خمس سنين اتجوزت إسراء .
س:  وما هي بداية تعارفك علي المتهمة / إسراء صابر ؟
ج :انا اتعرفت علي إسراء عند واحدة صاحبتها في الفيوم .
س / وكيف بداءت علاقتك بسالفة الذكر ؟
ج : انا شفتها عند صاحبتها وعجبتني وارتحنا لبعض وقررت ان انا اتجوزها .
س : ومن هم افراد عائلة المتهمة / إسراء صابر ؟
ج:  انا عارف امها و جوز امها قعدت معاهم فترة في البساتين وباباها وليها اخت اسمها سهيرومتجوزه واحد اسمه عبد الرحمن و بيقلوله يا عبده
س:  وما سبب تواجد سالفة الذكر عند صديقتها بمحافظة الفيوم ؟
ج: هيا كانت بتزروها وقاعدة معاها في البيت .
س : ومني تحديداً تمت الزيجة بينك وبين المتهمة / إسراء صابر ؟
ج: انا اتجوزت إسراء في شهر ديسمبر سنة ٢٠٢٣ .
س : وهل توجد ثمة وثائق او اوراق رسمية لتلك الزيجة ؟
ج:  هو كان في ورقة عرفي بس الورقة ضايعة مني
س : وهل عاشرت سالفة الذكر معاشرة الأزواج ؟
ج : ايوا بعد ما اتجوزنا نمت معاها زي اي زوج وزجته .
س :وما سبب قيامك بالزواج من سالفة الذكر ؟
ج: عشان هيا عجبتني وانا مكنتش عايز ازني معاها .

وشرح المتهم تفاصيل الجريمة التخطيط لتنفيذ الجريمة قائلا :" قعدوا عند الراجل في بيته نص ساعة وبعدين انا كلمت اسراء عشان اطمن وسهير ردت عليا وقولتلها ادينى اسراء قاتلی خمس دقائق بالظبط ومخليها تكلمك وبعد خمس دقائق فعلاً لقيت اسراء بتكلمني وبتقولى الراجل كلم واحد صاحبه وهيجى اطلعوا معانا عشان تساعدونا قبل الراجل صاحبه ما يجي وساعتها اسراء نزلت من الشقة بالمفتاح وطلعتنى انا وعبده في الاسانسير ".

واضاف المتهم الرئيسى :" وقول ما دخلت الشقة الراجل السعودى قام علينا وحاول ان هو يضربنا ويستغيث بالجيران اللي في العمارة فا انا هجمت عليه وطلعت المطواه من جيبى ونغزته في ايده اليمين وساعتها انا مسكته من رقبته قام عاضضني في صباعي فسيبته وعبده زقه وقعوا علي الأرض واول ما وقع قام عبده لف بقه بحتة قماشة عشان الراجل ميصوتش وقام مكتف ايده اليمين في رجلة اليمين وانا قمت مكتف ايده الشمال في ايده اليمين وانا ضريته بظهر المطواه في نص دماغه وعبده قام مقلعه البنطلون عشان الراجل يسكت وما يتكلمش وفعلاً الراجل استسلم وما اتكلمش فا انا سألته على مفتاح الخزنة وهو مكنش راضي يتكلم فا انا هددته ان احنا مصوريه وهو عريان".

واستطرد المتهم قائلا :" قام قايلي أن مفتاح الخزينة فوق الدولاب فسيبته وروحت جبت مفتاح الخزنة فتحتها وعبده كان قاعد عليه عشان الراحة الكون فتحت الخزنة واخدت منها فلوس مصري و دولارات وورق كان فيها والبنات كانوا واكسسوارات كانت موجودة فيها وبلاي ستيشن وواخدوا منها شنط شعر وانا قلبت في الخزينة الراجل ويلا نمشى وانا اخدت مفتاح العربية ونزلت دورت عليها واستنيتهم قدام باب العمارة ونزلولى ومعاهم شنطتين سفر وركبوا معايا العربية بتاعة الراجل وروحنا على شقتي اللي في امبابة وطلعنا المسروقات فى الشقة واتفقنا ان احنا هنقسم الفلوس بعد ما نبيع التليفونات والعربية وبعدها انا رجعت ومعرفتش اتصرف في الموبيلات ولا العربية وقسمت مبلغ ٢٤٠٠٠ جنيه ".

وذكر المتهم :" إحنا الأربعة كل واحد أخد 6000 جنيه، وجمعنا من كل واحد ألف جنيه من الـ6000 جنيه عشان نأخر شقة، وتاني يوم الصبح عبده، وإسراء، وسهير مشيوا وسابوا معايا 9 آلاف جنيه وفلوس الإيجار اللي إحنا جمعناها من بعض، وأنا ساعتها خدت الدولارات والفلوس الأجنبي اللي إحنا سرقناها وشيلتها في بيت آية وبعدها نزلت قعدت في الشارع شوية وروحت لقيت الحكومة موجودة في بيتي اللي في إمبابة، وقبضوا عليا وهو ده كل اللي حصل.

وكانت النيابة العامة  كشفت فى أوراق القضية، أن المتهمين من الأول حتى الرابع «رمضان.م»، 29 سنة، و«عبدالرحمن.أ»، وشهرته «عسلية»، 19 سنة، و«إسراء.ص»، وشهرتها «دينا»، 22 سنة، و«سهير.ع»، وشهرتها «منة»، 17 سنة، قتلوا «العبيدي» عمدًا مع سبق الإصرار وسرقوه، بعدما بيتوا النية وعقدوا العزم المصمم على ذلك، بأن أعدوا لذلك عقارًا مهدئًا- الكلوازبين- وسلاحًا أبيض «مطواة»، إذ شاركتهم المتهمة الخامسة «آية.ر»، 23 سنة، في إخفاء جزء من المسروقات.

وكشفت النيابة أدوار المتهمين بالواقعة، إذ إن المتهمتين «الثالثة»، و«الرابعة» وضعتا مخدرًا للمجني عليه بمشروب لشل حركته، ليتمكن المتهمان «الأول»، و«الثاني» من الدخول لمسكنه والإجهاز عليه، وما إن تمكنتا- المتهمة الثالثة والرابعة- من ذلك وظهر لهما على المجني عليه آثار العقار المهدئ، حتى مكنتا المتهمين الأول والثاني من دخول شقته.

وأوضحت النيابة في قرار الإحالة أن المتهمين تعدوا على اللواء اليمني بـ«مطواة»، وكبلوا قدميه وكتموا فاه بقطعة من القماش وكشفوا عورته، قاصدين من ذلك إزهاق روحه، فأحدثوا به الإصابات التي أودت بحياته، مشيرةً إلى دخولهم مسكن الضحية بالتحايل بقصد ارتكاب الجريمة، وكان ذلك ليلًا وأحرزوا مادة من المواد المخدرة «الكلوازبين» وأحرزوا سلاحين أبيضين «سكين»، و«مطواة»، فضلًا عن قطعة قماش.