أخبار محكمة الأسرة اليوم
محكمة الأسرة.. إسراء: طلع حرامي حتى عفش بيتنا مسلمش منه
كانت محكمة الأسرة هي نهاية إسراء بعد اكتشافها أن زوجها الي اختارته ان يكون شريك حياتها هو في الأصل لص وأول من سرق وخدع كان زوجته، تزوجت إسراء على أمل حلم بتاء بيت وأسرة ولكن ما وجدته هو الألم والخداع من زوجها الذي اكتشفت بعد مدة قصيرة من زواجهم أنه ليس كما توقعت أبدا فلم يصونها او يرعاها طوال حياتهم سويا، ولكن مفاجئتها عندما اكتشفت أن أموال لها تنقص وعفش بيتها كان يختفي فجأة لتصطدم بحقيقة أن زوجها هو من سرق هذه الأشياء، واضطرت وقتها أن تتوجه لمحكمة الأسرة حتى تحصل على النهاية من زواجها
قصص محكمة الأسرة.. مكنتش أعرف إن اختياري غلط
قالت «إسراء» في بداية حديثها : «أنا اتجوزت من سنتين وخلفت من جوزي ولد واحد الحياة معاه كانت طبيعية ومفيش مشاكل في الأول كان جواز صالونات اتجوزته على أمل أن يبقالي بيت وأسرة لكن مكنتش أعرف إن اختياري غلط».
حكايات محكمة الأسرة.. نزلت اشتغلت عشان أساعد جوزي
تابعت «إسراء» حديثها قائلة: «أول ما اتجوزت الحياة مع جوزي كانت عادية هو كان بيشتغل ويصرف علينا ظروفه كانت صعبة شوية لكن كنت بمشي الدنيا على قد اللي معانا، بس بعد ما خلفت ابني المصاريف زادت والمسؤولية زادت واضطريت إني أنزل واشتغل عشان أعرف أصرف على البيت وعلى ابني».
دعاوي محكمة الأسرة.. اكتشفت أن جوزي حرامي
أضافت الزوجة: «كنت كل فترة اسمع ناس بتتكلم على جوزي وبيقولوا انه سرق منهم حاجات، وفي ناس كانت بتيجي تطالبه في البيت بالفلوس اللي عليه وبيقولوا إنه سرقها، لما كنت بسأله كان بيقول محصلش وأن مكنتش بشك فيه، لحد ما بقيت الاقي الفلوس ناقصة من محفظتي وفي حاجات في عفش البيت ناقصة شكيت في جوزي وقلت يمكن عندهم حق ولما دورت وراه عرفت أن هو اللي بسرق حاجتي فعلا».
قضايا محكمة الأسرة.. حاولت اغير جوزي عشان ابني
أنهت «إسراء» حديثها قائلة: «لما عرفت ان جوزي طلع حرامي فعلا، حاولت اغيره واقوله مينفعش كدة وقتها قالي مش هيعمل كدة تاني، لكن كنت بلاقي فلوس ناقصة من معايا تاني، لحد ما زهقت منه وقررت اجي ارفع عليه قضية خلع ».