محكمة الأسرة اليوم
محكمة الأسرة .. همسة في دعوى خلع: مهزوز وبيشك فيا مع أخويا
كانت محكمة الأسرة هي نهاية زواج «همسة» الذي بني على قصة حب التي نشأت بينها وبين زوجها الي تمنت أن يكون سندها في الدنيا ولكن بسبب الاختلافات المادية بين الزوجين دمر الزوج أسرته بطبعه الشكاك وعدم ثقته في نفسه التي جعلت زوجته تلجأ في النهاية لـمحكمة الأسرة لترفع دعوى خلع بعد محاولتها العديدة في إصلاح حياتها الزوجية التي حلمت أن تكون هادئة وطبيعية ولكن بعدما زاد شك زوجها فيها إلى حد لا يحتمل لم تستطع المحاولة أكثر.
قصص محكمة الأسرة.. اتجوزت حب الجامعة
قالت «همسة» في بداية حديثها : «أنا اتعرفت على جوزي واحنا في الجامعة اتخطبنا بعد ما خلصنا جامعة بفترة وبعد كدة اتجوزنا على طول، وخلفت منه بنتين، أنا وهو كنا بنشتغل وبنساعد بعض من زمان ومكنش فيه مشاكل بينا في اول فترة جواز».
حكايات محكمة الأسرة.. معندوش ثقة في نفسه وعايز يثبت إنه أحسن مني
تابعت «همسة» حديثها قائلة: «أنا اهلي مستواهم المادي كويس وهو كان مستواه أقل مننا شوية أنا عمري ما حسسته بالفرق ده بس هو على طول كان حاطه في باله وبيتعامل على أساسه، كان على طول مش واثق في نفسه وبيحاول يثبت إنه أحسن مني أنا وأهلي».
دعاوي محكمة الأسرة.. بيشك فيا مع أخويا
أضافت الزوجة: «كان بيضربني على طول وبيشك فيا طول الوقت ومبيثقش فيا خالص لو اتكلمت مع اي حد يضربني ويبهدلني، لحد أخر مشكلة حصلت بينا أخويا كان يكلمني في التليفون عشان ياخدني يوديني مشوار، جوزي لقاني بتكلم في التليفون قالي بتكلمي مين وشك فيها اني بكلم واحد ونزل ضرب فيا ومدانيش فرصة ادافع عن نفسي كان هيموتني في ايده وقتها قررت اسيبه ومرجعلوش تاني ابدا ما خفت على نفسي واللي ممكن يعملوا فيا».
قضايا محكمة الأسرة.. بيقولي خلي أهلك يصرفوا على العيال
أنهت «همسة» حديثها قائلة: «اتطلقت بعد ما سيبته بفترة وبناتي معايا، ومن وقتها ولا بيسأل ولا بيصرف وبيقولي خلي أهلك يصرفوا، وراح اتجوز واحدة قريبته من مستواه ومراته حامل سابني انا وبناتي من غير سؤال وجيت ارفع عليه قضية نفقة عشان اخد حقي».