أخبار محكمة الأسرة
محكمة الأسرة .. نهى: عايش مع مراته الجديدة في شقتي بالعافية
دعوى طلاق قصدتها نهى في محكمة الأسرة بزنانيري ضد زوجها بعد ما وصلت حياتها لطريق مسدود معه خصوصًا بعد ما علمت بزواجه الثاني بعد فترة وجيزة من تركها المنزل فكانت قضية الطلاق هي الحل في نهاية المطاف.
قصص محكمة الأسرة .. عشنا 9 سنين زي الفل
تبدأ نهى رواياتها للقاضي مؤكدة على حياتها المثالية التي نعمت بها لأكثر من 9 سنوات مع زوجها في حياة هادئة سعيدة، ليتحول كل هذا في غمضة عين وتجد شخص أخر تغير في أسلوبه وتعامله معها، وهنا كانت بداية المشكلات التي انتهت على أعتاب محكمة الأسرة، تستكمل رواياتها وتقول: "من ساعة ما اتجوزنا وحياتنا زي الفل ومفيش أي مشاكل وعايشين كويسي ن الحمدلله،’ بس كل دا اتغير من غير سبب ومش فاهمة هو ليه عمل كدا".
حكايات محكمة الأسرة .. كنت عارفة إنه بيخوني
كل المشكلات والخلافات التي تعاني منه نهى بسبب تغير الزوج معها دون سبب واضح ما جعل الأمور تتصاعد بينهما حتى تصل إلى محكمة الأسرة خصوصًا بعد الخبر الذي عرفته، تابعت: "مش فاهمة ماله وهو ليه متغير أوي معايا كدا، بقا بيتخانق معايا على الصغيرة والكبيرة من غير سبب وبقينا نتخانق ليل ونهار وسيبت البيت كتير"، أضافت نهى: "حسيت إنه بيخوني بس كنت بقول لنفسي عادي بس شكوكي زادت طلبت منه الطلاق كتير بعد ما حياتنا كلها بقت خناقات ومشاكل بس هو مش راضي وبيقولي لو عملتي اية مش هطلقك".
قضايا محكمة الأسرة .. اتجوز في شقتي ومش راضي يديني حقوقي
تركت المنزل في المرة الأخيرة وهي تنوى الانفصال هذه المرة دون التراجع ابعد ما علت بخياناتها، تأكد شكها بعد شهرين من تركها المنزل ، وعلمت بزواجه الثاني فكانت دعوى لطلاق هي الحل الأمثل، استكملت نهى رواياتها: "كنت متأكدة إنه بيخوني وبيكلم حد من ورايا بس هو كان بينكر دا كل ما أجي أكلمه، وعشان كدا سبت البيت اخر مرة ومكنتش عايزة ارجع"، تابعت حكاياتها للقاضي: "بعد شهرين عرفت إنه اتجوز وواخد راحته مع مراته الجديدة في شقتي ولما أهلي كلموه إنه يطلقني بالود ويديني حقوقي بس هو رافض، عشان كدا رفعت قضية طلاق في المحكمة عشان اخد حقي منه".