أخبار محكمة الأسرة
محكمة الأسرة.. صفاء: سرق شقا عمري عشان يتجوز بيه وحتى عياله مش عايزينه
تواجدت «صفاء» أمام محكمة الأسرة بعد تجربة زواج كان مصيرها الفشل، بسبب زوج لم يحترم زوجته أو يقدر تعبها أو تضحياتها، كانت المشاكل تملئ حياتهم بسبب عدم رغبته في تحمل المسؤولية، وبعد محاولات الزوجة العديدة في إصلاح علاقتهم التي بائت بالفشل توجهت في النهاية لمحكمة الأسرة حتى تحصل على حقوقها، بعدما استغل خروج الزوجة من بيتها وباع شقتها التي دفعت ثمنها حتى يتزوج بأموالها، واصبحت هي وأولاده يكرهوا حياتهم معه.
قصص محكمة الأسرة
قالت «صفاء» في بداية حديثها عن زيجتها الأولى: «أنا اتجوزت من 11 سنة خلفت من جوزي بنتين وولد، من بعد الخلفة والأولاد المسؤولية زادت علينا وهو كان ظروفه وحشة وقفت معاه كتير واتحملت الظروف عشان خاطر مخربش البيت، نزلت واشتغلت لما لقيت الظروف طعبة وهو مش قادر يكفي المصاريف وعشان أساعده.»
حكايات محكمة الأسرة
تابعت الزوجة: «لما نزلت اشتغل كان هدفي اني مخليش ولادي محتاجين حاجة وأساعد جوزي لكن هو استحلاها وبقى مش عايز يشتغل خالص، وبقى مبيصرفش حاجة على البيت، بقيت أطلع منه الفلوس بالعافية، حوشت كتير عشان اجيب شقة في مكان أحسن وجبتها فعلا وكتبتها باسمه وقلت عشان خاطر العيال، لكن هو كل مادى كان بيزيد ومكنش بيصرف خالص وأنا اللي بقيت أصرف عليه.»
دعاوي محكمة الأسرة
أكملت الزوجة: «لحد ما تعبت منه وسيبت البيت وقررت أطلق أول ما سيبت البيت الشقة انا اللي كنت جيباها باعها ومدانيش حاجة وجاب بيها شقة تانية اتجوز فيها، اتجوز بعد 6 شهور لما سيبته واللي اتجوزها بتشتغل عشان تصرف عليه زيي كدة كان يعرفها قبل ما نتجوز ، ومن ساعة الطلاق وهو رامى العيال ومبيسألش عليهم.»
قضايا محكمة الأسرة
أنهت «صفاء» حديثها وقالت: «رفعت عليه خلع وقضايا نفقة ومكنش بيدفع نفقة لكن لمكا عرف اني رفعت عليه قضية نفقة متجمد خاف يتقبض عليه فدفع، بيحاول يصرف بيقول عشان خاطر العيال بس هو خايف من القضايا والبهدلة، وحتى ولادنا مش عايزني ارجعله بعد اللي عملوا معايا وانا زهقت منه ومقدرش أرجعله تاني بعد اللي عمله معايا.»