أخبار محكمة الأسرة
محكمة الأسرة .. هبة بدعوى نفقة: مدفعش حق الولادة عشان مبيحبش البنات
توجهت هبه إلى محكمة الأسرة بعد ما رفض الزوج المجيء إلى المستشفى يوم الولادة حتى لا يدفع أي مصروفات بسبب أنها فتاة وهو كان يرغب في إنجاب صبي وبدأت كل المشكلات منها بعد معرفته بأنها حامل في فتاة وتصاعدت الأمور بينهما حتى وصلت إلى محكمة الأسرة لرفع دعوى نفقة بسبب تهربه من إنفاق أي مصروفات.
حكايات محكمة الأسرة
"مش عايز يدفع جنيه في ولادة بنته" بهذه العبارة بدأت هبه رواياتها للقاضي مؤكدة أن حياتها كانت تسير على قدر كبير من المثالية وفجأة تحولت حياتهما لوكر من المشاجرات اليومية بعد ما عرف أن زوجته حامل في بنت، تستكمل رواياتها قائلة: "حياتنا كانت كويسة جدًا ومفيش أي مشاكل بس من ساعة ما عرف إني حامل في بنت وكل حاجة اتغيرت، وهو اتغير معايا في معاملته وطريقته وكل حاجة وبقا يتخانق معايا طول الوقت تقريبًا".
قصص محكمة الأسرة
ظنت هبه أن خبر حملها يجعل حياتهما أكثر سعادة ولكن للأسف أنه كان السبب في فتح باب المشكلات بينهما، أضافت: "اليوم اللي عرفت فيه إني حامل كنت متحمسة أوي أقول له وأشوف ردة فعله وكان مبسوط بس كانت المشكلة لما عرف إني حامل في بنت مش ولد زي ماهو كان عايزومن ساعتها وكل حياتنا خناقات بس"، تستكمل رواياتها قائلة: "من ساعة ما عرف إني حامل في بنت وهو اتغير معايا في المعاملة وبقى مش طايقالي أي كلمة وكل شوية خناق على أي حاجة وفي مرة واحنا بنتخانق قالي مش رايح معاكي المستشفى ولا دافع أي حاجة".
قضايا محكمة الأسرة
جاء يوم الولادة وظنت ان زوجها يساندها في هذا اليوم الذي يعتبر أهم يوم في حياتهما ولكنها تفاجئت بما فعله وأنه لم يأتي إلى المستشفى، أضافت هبه: "جه يوم الولادة ورحت أنا وأمي المستشفى وهو مرضاش يجي معانا وقال مش جاي ولا هدفع أي حاجة طالما هي بنت"، ذهبت لبيت أهلها بعد الولادة وقررت رفع دعوى نفقة عليه حتى ينفق عليها هي وابنتهما الصغيرة، وأنهت رواياتها قائلة: "خرجت من المستشفى على بيتأهلي وأهلي قالوا له عايزين مصاريف الولادة اللي احنا دفعناها وعايزين مصاريف لمراتك وبنتك، بس هو موافقش عشان كدا صممت إني ارفع عليه قضية نفقة".