ولاء في دعوى نفقة: ساب بيته وشغله لما طلبت منه يصرف على عياله
مثل العديد من السيدات كانت معاناة «ولاء» مع زوجها بسبب عدم صرفه عليها وبالرغم من محاولاتها العديدة في أن تصلحه لكن بائت كلها بالفشل، ولم يتغير زوجها حتى بعد رفعها دعاوي عليه في محكمة الأسرة.
كان السبب الذي جعل «ولاء» تستمر في علاقتها مع زوجها هو أنها كانت تريد تحقيق حلم دخول القفص الذهبي والبيت والأسرة، ولكن زوجها دمر حلمها بعدم صرفه عليها، عندما تزوجوا وعندما انفصلوا ولكن تركها تتوجه للمحكمة حتى تحصل على حقوقها ولأنه استمر في عنده ترك عمله حتى لا يكون معه أموال ليدفعها للنفقة.
زواج صالونات وخلافات من أول الزواج
قالت ولاء: «أنا اتجوزت من 8 سنين خلفت من جوزي ولدين، كان جواز صالونات، اتقدملي وسألنا عليه وسمعنا عنه كلام كويس وافقت عليه على أساسه، لكن بعد الجواز بان على حقيقته والخلافات بينا كانت كتيرة جدا.»
بيبخل علينا بالفلوس
أكملت ولاء: «مشكلتي معاه أنه مبيصرفش كان بيشتغل ومعاه فلوس بس مبيصرفش على بيته ولا على ولاده، عنده يشيل الفلوس ويسبنا جعانين ومحتاجين، حاولت معاه كتير انه يتعدل لكن مفيش فايدة معاه، كنت بحوش واشيل عشن أقدر أكفي البيت والعيال لكن مكنتش بقدر أكفي لوحدي»
اتطلقت من جوزي
أضافت ولاء: «لحد ما تعبت منه وطلبت الطلاق، تعبني جدا لحد ما طلقني، وفي الأخر اتطلقنا ودي، مكنش بيصرف بعد الطلاق طبعا على العيال، وأنا قاعدة عند أهلي ومبشتغلش، والمصاريف كتيرة عليا وأنا مش لاقية أصرف على العيال، ومحدش من أهله بيقف معايا لما بشتكي»
دعوى نفقة
أنهت ولاء كلامها: «عشان أقدر أكفي ولادي جيت محكمة الأسرة ورفعت عليه قضية نفقة، عشان أقدر على المصاريف، لكنه لما عرف بدل ما يصرف علينا ودي، اللي عمله ساب الشقة وساب شغله وكل حاجة عشان مقدرش اثبت عليه انه معاه فلوس، حتى مامته عزلت عشان معرفش الاقيهم، ومن ساعة ما رفعت القضايا مش عارفة اجيب عنوان حد عشان انفذ الحكم، يمكن حصل حاجة تانية هي اللي خليته يعمل كدة، بس هو مبيسألش على عياله من ساعة ما سيبته. »