لمياء في دعوى خلع: بيخوني مع كل ستات الشارع وبيسألوني عن أخباره
كانت الخيانة والغدر هما شكل الحياة التي عاشتها «لمياء» مع زوجها الذي لم يقدرها أو يحترمها ابدا ولم يعامل زوجته بأي إحسان أو حافظ عليها وعلى أسرتهم.
تزوجت «لمياء» في بيت عائلة وكان حلمها بسيط ان تعيش مع زوجها حياة مستقرة وتربي أبنائها تربية حسنة، لكن حرمها زوجها من تحقيق حلمها بخيانته المتكررة لها، وحاولت الزوجة مرات عديدة أن تصلح زوجها ويصبح مخلص لبيته واولاده ولكن عندما فشلت محاولتها وجدت نفسها على أعتاب محكمة الأسرة تسأل عن حقوق أبنائها التي حرمهم ابيهم منها منذ انفصاله عن الأم.
زواج في بيت عائلة
قالت لمياء:« أنا اتجوزت من ١٢ سنة خلفت من جوزي ٣ اولاد سايباه من ٤ سنين، كان جواز عادي زي كل الناس سنع عني من قرايب واتقدملي واتجوزنا، مشاكلنافي الأول كانت العادية، انا كنت متجوزة في بيت عائلة والمشاكل في الأول كانت بسبب كدة لكن مع الوقت المشاكل كانت بتكتر وتبقى اكبر.»
جوزي بيخوني مع ستات كتير
تابعت لمياء:« مشاكل بيت العائلة كانت زي اي بيت عائلة، مشاكل بين السلايف وعلى وشغل البيت مع الوقت مبقتش مشكلة بالنسبالي اتعودت عليها خلاص، لكن المشكلة الكبيرة ان فوق بهدلة اهله ليا جوزي كان بيخوني، كان يعرف عليا ستات كتير وكنت بعرف من الرسايل اللي بتجيله على الموبايل من الستات.»
الستات بيسألوني على جوزي
أكملت الزوجة:« كان شغال في سوبرماركت واعد مع الستات في الشارع ليل ونهار، المشكلة اني بكون عارفاهم وبقى شكلي وحش قدام الناس لما الستات بقوا عارفينه وبيسألني عليه عامل ايه لما يغيب عن الشغل، كل لما كنت بواجهة كان بينكر، حصل اكتر من موقف صعب منه وقلتله ميتكررش تاني لكن كل مادى كان بيكرر عمايله ويرجع تاني لحد ما تعبت منه وسيبته.»
دعوى خلع ونفقة
أنهت لمياء كلامها: « حاول يرجعني في الاول بعد ماسيبته بس انا مكنتش راضية لأني عارفة انه مش هيتغيرو رافعة خلع رفض يطلق ودي و ورفعت نفقة لأنه من ساعة ما سيبته مبيصرفش على العيال التلاتة ولا بيسأل فيهم.»