منال في دعوى خلع: فهمني إنه بيبات في الشغل وطلع عند مراته التانية
تشهد محكمة الأسرة قضايا خلع كل يوم بسبب الخيانة التي تتعرض لها الزوجة ومن ضمن هذه القصص قصة منال التي لاحظت تغيرات كثيرة في تصرفات زوجها جعلها تشك إنه على علاقة بأخرى ولكنها كانت تكذب نفسها، اتبعت إحساسها بعدما كثرت تصرفاته الغريبة قررت البحث وراءه، وجدت أن شكها في محله فكان ردة فعلها شهدتها المحكمة من خلال رفع قضية خلع.
"عايشين بقالنا 8 سنين والحياة زي الفل مفيش أي مشاكل بس معرفش إيه اللي حصل بقاله فترة متغير معايا، كنت بقول معلش أكيد ظروف شغل بس تصرفاته خليتني أشك فيه" كانت هذه الكلمات التي بدأت بها الزوجة لـ "الحادثة" لتروي مبرراتها التي جعلتها تقيم قضية خلع ضد زوجها.
وأكملت رواياتها: "الناس كلها كانت بتحسدنا على حياتنا، كانوا شايفين إننا مبنتخانقش ولا نعرف حاجة عن المشاكل وإن حياتنا زي الفل، بس فجأة كل حاجة اتغيرت معرفش إيه اللي حصله".
طلع بيبات في بيته التاني
بعدما عاشت الزوجة في استقرار يحاوط المنزل لمدة 8 سنوا بالكامل لبدأت تلاحظ كتصرفات غريبة من زوجها كانت هي السبب في رفعها لقضية الخلع، أكملت الزوجة باقي التفاصيل.
وقالت منال : "بقى بيبات برا كتير وكل مرة يقول لي عندي شغل، كنت بعديها في الأول بس لما الموضوع زاد مبقتش اقتنع بموضوع الشغل دا وحسيت عن في حاجة تانية غير الشغل بس كنت بكدب نفسي"، تابعت منال: "قلت لازم اشوف واتأكد بنفسي عشان أعرف هعمل إيه معاه، فتشت وراه وعرفت الصدمة الكبيرة إنه بيبات عند مراته التانية في بيته الجديد، وكل دا كان مستغفلني ومفهمني إنه بيبات في الشغل".
رفع قضية خلع
لم تتحمل الزوجة العيش ليوم واحد أكثر من مذلك معه في نفس المنزل ما جعلها تسرع نحو محكمة الأسرة من أجل رفع قضية خلع ضده، تابعت منال قائلة: "سبت البيت في نفس اليوم اللي عرفت إنه متجوز عليا ومستنتش نتصالح ورفع عليه قضية خلع على طول، عشان مقدرتش استحمل أعيش معاه يم واحد تاني كم واحد خاين".