الطعنات بعمق 7 سم
بسبب زجاجة مياه.. الأم والشقيقتان ترويان تفاصيل وفاة السيد على أيدي 3 شباب بالدقهلية
سحل سائق حتى الموت بالدقهلية.. قالت أم السائق سيد مصطفى، الذي لقي مصرعه بسبب زجاجة مياه على أيدي 5 شباب بالدقهلية "سحلوا ابني على الأسفلت، وكان حاسس إنه خارج ومش هيرجع تاني".
سحل سائق حتى الموت بالدقهلية
وأضافت الأم، في لقائها مع الإعلامية نهال طايل ببرنامج "تفاصيل" المذاع على قناة صدى البلد 2 أنه "الساعة 8 ونص الصبح يوم الاثنين لقينا ناس كتير عند بيتنا، قعدت أسأل فيه إيه؟ ما حدش عايز يقول.. ابني لما الناس لقوه ع الطريق جثة نشروا صورة بطاقته، وجيراننا عرفوه، فاتجمعوا عند بيتنا، لحد ما قالوا لي أخيرا ابنك عمل حادثة.. وقلت لهم ابني عمره ما يعمل حادثة، وطلبت منهم يودُّوني لابني في جمصة. ولما وصلت قالوا لي ابنك في الثلاجة".
وتابعت: "الدنيا اسودِّت في وشي، وما كنتش قادرة أشيل رجلي، وقلت لهم مين اللي خبطه؟ ردوا وقالوا لي ابنك اتقتل، كإن حد ضربني على دماغي، والدنيا اسودِّت في وشي".
وكشفت أم سيد أن المتهمين "شدوا كتفه وقطعوا هدومه وهما بيسحلوه على الأرض، الدم نزل من كل حتة في جسمه واتبهدل خالص، وسيد ما كانش فيه حد في حنيته.. كان حاسس إنه خارج ومش هيرجع تاني".
شقيقة سيد: راح يشتري إزازة مية ورجع لقى شباب خابطين عربيته
وكشفت شقيقة السائق سيد مصطفى تفاصيل مقتل شقيقها بأنه يعمل سائقا في شركة، وعند نزوله على الطريق ليشتري زجاجة مياه بـ 5 جنيهات من سوبر ماركت، فوجئ بسيارة ملاكي تصطدم بسيارته عند خروجه من السوبر ماركت، ووجد خمسة شباب في سيارة، فقال لهم بأدب: "إنتم خبطتم عربيتي. ياريت تيجو معايا الشركة تعرَّفوهم سبب الحادثة عشان ما اتأذيش في شغلي".
وطلب منهم أن يذهبوا معه إلى مديره في الشركة؛ ليشرحوا له ما حدث،لا يريد منهم شيئا.
وأضفات شقيق سيد: "بعدها راح يحاسب على إزازة المية، لقى الشباب دول واخدين العربية بتاعة الشغل، اللى هي عهدة عليه، فجري وراهم، ومسك في باب العربية".
جسمه متشرح والطعن وصل للعظم
وتابعت وسط دموع الحرقة على شقيقها: "أخويا مات مقتول، وكان في الثلاجة، وهم طعنوه في إيده بعد ما مسك باب العربية علشان يحافظ على عهدته، وجسمه كله متشرح وبايظ في الثلاجة. عوضنا عند ربنا. الطعن اللي في إيده 7 سم، وصل للعظم، وشه اتشوه من الطعن، وضهره ورجليه.. كل جسمه اتشرَّح.. سحلوه حوالي 600 متر على الأسفلت علشان كان بيحافظ على عهدته. إحنا عايزين حق أخونا اللي مات".