"عقله طار".. إسراء: باع الشبشب بتاعي عشان يجيب فلوس المخدرات
مشكلات وخلافات عاشت فيها "إسراء" من بداية الزواج بعدما اكتشفت إدمان زوجها بطريقة مفرطة، وعندما فكرت في إصلاح الامور بينهما وإقتلاعه عن المخدرات فشلت ما جعلها تقرر التوجه لمحكمة الأسرة حتى تنقذها من حياتها وبدأت في إجراءات دعوى الخلع.
تستهل إسراء قصتها لقاضي المحكمة التي تتوسم فيه الخير بأنه ينقذها من حياتها التي وصلت فيها لطريق مسدود لا يصلح معها اي حلول سوى الطلاق، فقالت: "مش عارفة اعيش مع واحد مدمن زي دا كل اللي همه المخدرات وكيفه وبس، ميعرفش حاجة عن البيت وعلى طول في العالم بتاعه، عشان كدا وجوده زي عدمه بالظبط".
مكنش كدا قبل الجواز
استرجعت إسراء حياتها معه طوال فترة الخطوبة وأكدت على أنهما كانا متفاهمان فكان لا يعرف شيء عن السهر والمخدرات، تستكمل الحديث قائلة: "في الخطوبة كنا كويس جدًا وهوكان بيعاملني احسن معاملة، وكان معروف عنه إنه بتاع شغل وفي حاله"، كل شيء تبدل بعد الزواج وجدت نفسها مع رجل لا تعرفه التفت لشرب المخدرات بأنواعها ولا يلتفت لبيته ووزوجته، أضافت: "من ساعة ما عرف طريق القرف دا وهو بقا واحد تاني على طول يزعق ويشتم، دا غير السهر برا كل يوم وتقريبا مبقاش يقعد في البيت خالص".
بيبيع الشبشب عشان يشتري مخدرات
بعد معرفتها بخصوص إدمانه حاولت السيطرة على الوضع وظنت أنه لسة في بداية شربه للمخدرات، ولكن اكتشفت أن الوضع صعب وأنه وصل لمرحلة إدمانه مفرطة، لا تعرف ما ذا تفعل معه ولكنها بذلت أقصى جهدها معه، تابعت إسراء: "لما عرفت حاولت معاه بكل الطرق عشان يبطل بس اكتشفت إنه واصل لمرحلة صعبةومش عارفة اسيطر على الموضوع خالص"، اكتشفت الزوجة إختفاء أغراض المنزل وبعد بحث طويل منها علمت أنه يسرق الأغراض كي يشتري المخدرات، انهت الحديث: "لقيت الحاجات بتختفي من البيت وعرفت إن هواللي بيسرق الحاجات دي عشان يجيب القرف اللي بيشربه دا، دا حتى الشبشب بتاعي مسبهوش في حاله وباعه عشان ياخد تمنه".
هنا أدركت إسراء خطورة العيش مع مدمن وأنها لا تضمن ماذا الذي يفعله بها ولذلك قررت التوجه لـ محكمة الأسرة لرفع دعوى خلع.