الشورى شورة أمه.. إسراء للقاضي: "عايزة أعيش براحتي في بيتي"
كان السبب وراء إقامة "إسراء" دعوى خلع أنها لا تشعر بأي خصوصية في بيتها بسبب تدخل والدة زوجها في كل أمورهما الشخصية، تحدثت مع الزوج على امل أن تجد منه رد فعل يوقف هذا التدخل ولكنها لم تلقى منه سوى التصرف بسلبية ما جعله تتوجه نحو محكمة الأسرة للفرار من تسلط وتدخل اهل زوجها.
"مش عارفة أعيش في بيتي براحتي" بهذه الكلمات بدأت إسراء حديثها للقاضي مؤكدة على حياتها التي أصبحت مشاع لأهله من اليوم الأول في الزواج، تتابع حديثها: "قبل الجواز أمه مكنتش بتتدخل خالص بينا في أي حاجة حتى لو في مشاكل كنا بنحلها لوحدنا من غير ما أي حد يتدخل بينا"، أضافت: "من ساعة ما اتجوزت وكل حاجة اتغيرت وبقت حياتنا مشاع لا حد يتدخل ويقول نمشيها ازاي، ومن اول يوم جواز والمشاكل ملت البيت بسبب تدخل أمه في كل حاجة".
الشورى شورة أمه
ظنت الزوجة أن زوجها يكون له رد فعل على تدخل أهله في أمور حياتهما الخاصة ولكن كان رده هو السبب لكي تراجع حسابها في حياته معه، تستكمل إسراء قائلة: "أمه بتتدخل في كل حاجة بينا وكل ما أجي أكلمه واقوله هي بتتدخل ليه في حياتنا يقول لي تعمل اللي هي عايزاه، وسايبها تعمل اللي هي عايزاه وتقول نعمل إيه ومنعملش إيه"، أضافت: "مشاكل ليل ونهار بسبب الموضوع دا وكل ما أقوله إني مضايقة ميعبرنيش ولا كاني بقول أي حاجة أصلا، وبقينا على الحال دا والشورى شورة أمه في كل حاجة".
إقامة دعوى خلع
فقدت الحياة الزوجية الخصوصية وبعد ما فقدت الامل في زوجه بانه يصدر أي فعل تجاه هذا الموضوع قررت اللجوء لمحكمة الأسرة ورفع دعوى خلع من اجل الشعور بأنها تعيش حياتها دون التدخل من اشخاص ليس لهم الحق في التدخل، تتابع إسراء: "كلمته مرة واتنين وعرفته إن الموضوع دا بيضايقني وإني مش عارفة أعيش بالأسلوب دا بس هو برضو ولا هنا، ومش عامل لي أي اعتبار، رفعت قضية خلع اخر ما زهقت بقالي 5 شهور ولسة ماشية في إجراءات الطلاق.