"جوزي اتجوز صاحبتي اللي أكبر منه" أروى للقاضي: كنت بحكيلها على خصوصيتنا وعلقت جوزي
تعرضت «أروى» للخيانة مرتين في حياتها مرة عندما تزوج زوجها عليها ومرة عندما اكتشفت انه تزوج صديقتها، وبعد مرور سنين لازالت «أروى» تحاول تخطي الصدمة التي عاشتها ولازالت تؤثر فيها حتى الأن.
" كنت بحكيلها كل تفاصيل حياتنا على أساس أنها صحبتي وفي الأخر خطفت جوزي" هذا ما قالته «أروى» عن الأزمة التي تعيشها بسبب زوجها، فبعد زواج دام لسنين ونتج عنه 3 بنات، خان الزوج زوجته وتزوج جارتهم التي كانت تدعي أنها صديقة الزوجة ولكنها كانت أي شئ سوى صديقتها ولا تكن لها أي خير ولكن الحقد فقط، ولجأت الزوجة لمحكمة الأسرة لأن ما يشغلها الأن هو مستقبل بناتها.
قالت «أروى»: انا اتعرفت على جوزي كان معايا في الشغل وكان جواز عن حب، اتجوزنا وخلفت 3 بنات، والحياة كانت كويسة ومفيش أي مشاكل غير زي أي مشاكل بين أي زوجين، وهو كان راجل محترم وأب كويس لبناته.
صاحبتي الأكبر مني أنا وجوزي علقت جوزي
تابعت «أروى»: كان عندي واحدة صاحبتي في الشغل وكانت جارتي فكانت قريبة مني جدا، كنا بنشتغل احنا التلاتة في مكان واحد أنا وهي وجوزي، كنت بحكيلها كل تفاصيل حياتنا وحجات خاصة جدا بيني أنا وجوزي عشان كنت معتبراها أختي وعلقت جوزي في الأخر، كانت أكبر مني ومنه فمكنش يجي في بالي أنها ممكن تتجوزه.
اقرأ أيضا
كان بينط من السطح عشان يروح لمراته التانية
أضافت «أروى» : عرفت بعد سنة من جوزاهم انه متجوزها، كانت في العمارة اللي جنبنا وكان بينط من سطح لسطح عشان يروحلها، عشان كدة مشكتش فيه، طلبت الطلاق أول ما عرفت مقدرتش استحمل الوضع ده، وأنا اللي غلطانة إني كنت معتبراها صاحبتي وكنت بحكيلها أي حاجة تخصنا.
مقدرش اثق فيه تاني بعد ما خاني
تابعت «أروى» كلامها وقالت: اتطلقت ودي، وهو طلقها وسابها بعد ما اتطلقت منه بشهور بس لأنه اكتشف أنها زوجة مش مناسبة ليه، حاول يرجعني تاني لكن أنا رفضت مرضتش ارجعله تاني مقدرش اثق فيه، ورفعت دعوى نفقة لأنه مبيصرفش على بناته من ساعة الطلاق.