قولي له هنروح لكم بالبيجامات الكستور تاني
اعتبريه دبانة.. تعليقات المصريين على تهديد أنغام من قوات الاحتلال الإسرائيلي
لقي منشور تهديد أنغام من قوات الاحتلال الإسرائيلي على هاتفها ردود فعل كبيرة، اتسم أغلبها بالسخرية من هشاشة الدولة العبرية وضحالة المتحدث الرسمي لجيش الاحتلال الإسرائيلي، وحقق المنشور في صفحة أنغام على إنستجرام أكثر من 84 ألف إعجاب، وعلى فيسبوك أكثر من 300 مشاركة، و300 تعليق حتى الآن.
أبرز التعليقات على تهديد أنغام من قوات الاحتلال الإسرائيلي
جاءت أبرز تعليقات المصريين على تهديد أنغام من قوات الاحتلال الإسرائيلي التالي:
كل الدعم والتقدير ليكي حبيبتي.
حبيبتي ربنا يحفظك ويحميكي ويخليكي لينا ولبلدك انتي ست بمليون راجل ربنا يبعد عنك اي حاجه وحشه تسلمي يااجمل وأعظم فنانه ياصوت مصر بحبك جدا كل الدعم والتقدير ليكي ونصر الله قريب.
بوركت يا ست وصالك.
شابو ليكي يا احلا أنغام.. و لي كل الفنانين و الإعلاميين اللي بيوصلوا كل الحقايق.
كل الدعم يا فنانه.
ست ب ١٠٠٠٠٠٠ راجل .كل التحيه والتقدير والدعم
بجد شابوه انغام مسلمه مصريه عربيه ولك الفخر ولنا جميعا الفخر بك ربنا يحفظك حبيبتي ويحميكي ويزيدك قوه وصلابه وقدره دائما وابدا
الله عليكي
بجد شابوه
عاااش ياا فناانه
مش بحبك من قليل
جدعه
عاش يا انغام
إنتي بميت راجل .. بس لازم توصلي الكلام ده للقيادات المصريه
الله عليكي
كل الدعم ي فنانه مصر كلها معاكي
ولا يهمك يا استاذة كلنا معاكي وكل الدعم لحضرتك وامثالك
ربنا يحميكي ومحدش يقدر يعملك حاجه انتي مصريه ودايما في حفظ الله
كل مره انغام بترد فيها بتبين انها قد ايه فنانه مثقفه بترد رد يحرق من غير ماتغلط في حرف برااافو
عرفنا دلوقتي مين هي صوت مصر والعرب كله
كل الدعم و الحب و التقدير.. تحيا مصر
يسلم في امك يا مصريه يا بنت الرجاله المصريين واخت كل جندي من مصر خير اجناد الأرض اللي علموا عليهم
و لا كنتي تردي عليه اصلا ، اعتبريه دبانة بتتكلم ، هنرد ع دبانة ؟ دة تلاقيه افيخاي اللي باعتها ، قاعد فاضي معلش
يسلم لسانك وربنا يحميكي
اديهم كمان خليهم يعرفو حجمهم
تسلمي و يسلم لسانك
تلاقيه نفس الرقم اللي هدد باسم سمرة.. عالم فاضية
فخر العرب والله يا فنانة
مش بحبك من فراغ اقسم بالله
الجرح اللي ميوجعش اوي بيعلم أوي
ولا يقدرو يعملو حاجه ده لو جم كلها ساعتين وهيحصل فيهم زي الي عملو في فلسطين
ياعيني دول محروقين خااالص
مبحبكيش من شوية يا فنانة
عاشت نونوو.. الله عليك ياست المعلمين
أكبر دليل إنك وجعتيه.م اوى ومش قادرين ينسوا اللى حصل فيه م وهيحصل تانى لو جربوا
الرقم مسح الواتساب من الخوف
كويس انك ظاهرة الرقم
والله كلام مستفز ....
طلعي ميتين ابوهم
إدي جامد
تحيا مصر تحيا مصر تحيا مصر بكل مافيها من شخصيات عامة وسياسية واقتصادية وثقافية واجتماعية ورياضية مصر هيا مصر ماهما حاولوا التسلل بيننا ستظل دائما مصر فوق الجميع أن شاء الله تعالى كل الدعم لك وأمثالك يافنانة
دا مش تهديد دا توصيل رساله ان اللعب علي المكشوف ومعدناش نخبي تاني خاصا انك مطربه مشهوره ومتابعينك من كل الوطن العربي والشرق الاوسط دا غير انك مصريه
صح لسانك كل الدعم ليكي
ولا يهمك ي فنانة نصر الله قريب ... كل الدعم ليكى ....
هما عايشين غير ع التهديد
صوت مصر يا جبل ما يهزك ريح
هجوم ع الرقم اللي بعتلها ده يا مصريين الله يكرمكو
يعني ضرب من غير قصد وتهديد صريح مستنين اي تاني
بنت مصريه بميت الف راجل الله عليكي
اتمني رد من القياده المصريه ع هذا التهديد
شكرا #انغام
كوين يا ملكه الا مزابل التاريخ عن قريب اسراءيل باذن الله.. النصر لفلسطين
يا استاذة انغام لية مسألتهوش علي البيچامات احنا داخلين علي الشتا محتاجنهم
هو في دوله محترمه تدين و بشده برساله عالموبايل ؟!!! دي دولة هوزوء
كل الاحترام والتقدير لصوت مصر وفخر العرب الفنانة الجميلة أنغام
الحق يا فتووووح الفنانة أنغام بتتحارب من افيخاى ادرعى وأخواته ولاد الصهاينة لا وكمان بيهددوها الصهاينه انت هتسكت ولا ايه Ahmed Fathi Ortega
أفعال الجبناء.. لا تتوقعي منهم الفعل مجرد كلام طاير في الهوا
بيعشوا حاله من حالات التخبط حالة من عدم الإستقرار نفسيا واجتماعيا واقتصاديا وسياسيا مهتزين قدام العالم بعدين دا كله بيحصل لهم ف نفس الوقت خصمهم بيحتفل بإنتصار مباغت من 50 سنه اسرائيل لم تعتذر عن أي جريمة فعلتها خلال ال ١٥ يوم الماضية في غزة ولا عن قصف المستشفى المعمداني وقتل الاطفال واعتذرت للجيش المصري عن قصف دبابة لموقع حدودي ادي الي إصابة طفيفة لجنود مصريين وخوفا من مصر وجيشها وشعبها استحقت الاعتذار مصر تقود ولا تقاد.. حفظ الله مصر وشعبها العظيم 🇪🇬ولا يهمك ياجميل فداك
تل أبيب وضواحيها وعلي المقيمين خارجها مراعاة فوروق التوقيت
ست بمليون راجل كل الحب لك
محمد صلاح فخر العرب أنغام فخر العرب
قوليله هات مرهم لي الحرقان علشان هيبهدلك.. كلنا معاكي يابنت مصر ياوطنيه وربنا يحفظ مصر
قوليله هنروحكم بالبيجاامات الكستور تاني
عورتيهم جامد.
قصف جبهة.. أنغام ترد على تهديد أفيخاي أدرعي
وكان أفيخاي أدرعي المتحدث الرسمي لجيش الاحتلال الإسرائيلي هاجم الفنانة أنغام من خلال حسابه على موقع تويتر، بعدما كتبت بوست قالت فيه: "ربنا ياخدك ويريحنا من وشك"، وذلك عقب تدويناته التى أشار فيها إلى ضرب غزة وسكانها من قبل جيش الاحتلال.
وردت أنغام من خلال نشرها تدوينة على موقع "تويتر" قائلة: "انت يا اسمك ايه!! بدون رقي ولا أدب لإنك ماتستحقش الأدب في الكلام ولا التعامل، أنا اسمي أنغام مطربة مصرية عربية عارف يعني ايه مصرية؟ يعني مصر".
وأضافت أنغام: "الرقي والأدب مع الراقيين فقط مش مع اللي زيك يا صهيونى، والإنسانية نعرفها احنا المصريين لما بعتنا لكم الأسري بتوعكم مستورين بالبيجامات الكستور فاكر؟ بعد ما الجيش المصرى انتصر عليكم في حرب 73 ورجع سيناء منكم اللي كنتم محتلينها يا مغتصبين".
وأضافت أنغام: "الإنسانية بريئة من أمثالك وبريئة من أعمال جماعتك وجيشك المتوحش النازى، قاتل الأطفال والنساء والمدنيين الأبرياء، والدين برىء من أعمالكم وكذبكم، ولكل فعل رد فعل".
وتابعت أنغام: "شوف انت كام فعل عملتوه من يوم ما احتليتوا أرض فلسطين يا اسمك ايه انت، وفلسطين وشعبها بيقاوموا محتل غاشم مجنون مغتصب يا قتلة الأطفال، والحيوانات بريئة من وحشيتكم".
واختتمت أنغام حديثها بالآيه القرآنية، قال عز وجل "وَلَا تَحْسَبَنَّ الَّذِينَ قُتِلُوا فِي سَبِيلِ اللَّهِ أَمْوَاتًا بَلْ أَحْيَاءٌ عِنْدَ رَبِّهِمْ يُرْزَقُونَ".