«مكالمات نص الليل كترت».. أسماء في دعوى طلاق: فكرته العوض طلع تاجر مخدرات
رجل صالح لا يلتفت لشيء سوى عمله وأهله وهذا الذي جعل "أسماء" تقع في حبه بسبب سمعته الجيدة بين الناس، فظنت أنه يكون العوض السند التي تناله في حياتها ولكنها لا تعرف أنها تكون بداية لحياة تعيسة تريد التخلص منها بأي طريقة ممكنة بعدما اكتشفت أنه تاجر مخدرات.
"كانت كل الناس بتحلف بأخلاقه وقد إيه هو محترم وكويس، ودا اللي خلاني عايزه اتجوزه وأول لما جه أتقدم لي وافقت عليه على طول وأهلي كمان كانوا مبسوطين عشان سمعته سبقاه بإنه حد محترم"، بهذه الكلمات بدأت الزوجة تروي معاناتها لموقع الحادثة واستكملت باقي قصتها قائلة: "اتخطبنا وكانت أحلى فترة في حياتي، بس خدت الصدمة من اول ما اتجوزنا وهو بقا واحد تاني وأنا مش عارفة إيه السبب ولما أجي أقوله غي الي غيرك يقول لي مفيش حاجة أنا كدا".
مكالمات نص الليل كترت
بدأ الشك يحاوط الزوجة حول معاملة الزوج الذي تغيرت في أول الزوج وبدأت تشعر أنه يوجد شيء غريب وغامض تريد أن تعرفه خصوصًا بعد ما بدأ يلجأ للسهر المستمر ومكالمات الهاتف التي يتلقاها في منتصف الليل، أضافت أسماء: "اتغير في كل حاجة في الأول كان بيقول لي إنه مش بيحب السهر وبعد الجواز مبقاش يعمل أي حاجة غير إنه بيسهر طول اليوم برا والأيام اللي بيبقى فيها في البيت بلاقي مكالمات بتجي له في نص الليل".
تابعت: "حصلت مرة وكنت بقول عادي بس بدأ الموضوع يتكرر وألاقي كل يوم مكالمات في نص الليل، بدأت أحس إن في حاجة غريبة وكنت كل ما أجي أقوله بتكلم مين يقول لي ملكيش دعوة وبدأت الخناقات بينا تكبر بسبب الموضوع دا".
طلع تاجر مخدرات
قررت الزوجة معرفة الشيء الغامض الذي يخبيه الزوج وعندما تتبعت مكالماته الهاتفية، وجدت الصدمة الكبرى وأنه تاجر مخدرات.
أكملت الزوجة: "في الأول كنت بحسبه إنه بيخوني بسبب مكالمات آخر الليل دي، وبدأت أفتش في الموبايل والشاتات بتاعته اللي على الواتساب وشوت شات منهم وهو بيتكلم عن المخدرات بس أنا مفهمتش، بقيت كل ما يتكلم في التليفون أقف عشان افهم أي حاجة وياريتني ما فهمت، طلع تاجر مخدرات".
انهت الزوجة: "أول ما سمعت كدا اتخانقنا وطلبت منه الطلاق قال لي مش هطلق، خدت ابني اللي مكملش 3 شهور على كتفي ونزلت روحت عند بيت اهلي ورفعت عليه قضية طلاق بقالي 5 شهور ولسه ماشية في إجراءات القضية".