فاكر البنت لعبة.. أم أسماء: "عامل البيت بانسيون كل ما يهفه الشوق يجي"
أرادت عزيزة أن ترى ابنتها بالثوب الأبيض ويعتبر هذا هو حلم كل أم، وأرادت معه حياة سعيدة لابنتها "أسماء" ولكنها لا تعلم أن حظها يميل في اختيارها بعدما وجدت أنه يترك ابنتها بالشهور دون أن يعلم عنها شيء هي ورضيعها، ما دفعها تلجا لمحكمة الأسرة ورفع دعوى خلع لتحسم أمر حياتها معه.
لم تعرف الزوجة السبب وراء تركه لها وفي كل مرة حاولت التحدث معه وإقناعه بالعيش معها هي وابنها الرضيع كان الرد عليها يكون بتركها مرة أخرى هو ابنها، بدأت عزيزة تروي معاناة ابنتها قائلة: "طول فترة الخطوبة وهو كويس مع بنتي وبيعاملها احسن معاملة ومفيش أي مشاكل بينهم بس من ساعة ما اتجوزوا وأنا كل شوية الاقي بنتي جيالي كل شهر غضبانة بسببه".
تابعت: "كنت بحسب مشاكل عادية زي كل البيوت بس كل مرة كانت بتقول لي دا سابني ومشي، وأنا مش فاهمة إيه اللي بتقوله دا، بس لقيتها طولت عندي وكل ما أسئلها عليه تقول لي معرفش راح فين بس هوسابني ومشي".
كل شوية يسيب بنتي بالشهور
في البداية ظنت الأم أنها مجرد مشكلات عابرة بين ابنتها وزوجها ولكن في الحقيقة أنها أصبحت مشكلات مستمرة بسبب الزوج الذي يتركها كل فترة وحدها بالشهور دون سبب.
أضافت عزيزة: "غاب شهرين ورجع وبنتي مكنتش عايزة ترجع بس خليتها ترجع له عشان متخربش البيت واتكلمت معاه عشان أعقله وأخليه ميعملش كدا تاني وقال لي خلاص مش هعمل كدا تاني"، موضحة: "مكملش معاها شهر ورجع سابها تاني وهي برضو متعرفش راح فين، والفترة دي كانت هي حامل خدتها عندي وبقيت أنا اللي بأكلها وبشربها ومنعرفش طريقه ومنعرفش هو بيختفي بيروح فين".
دعوى خلع
أضافت الأم: "حتى لما بيسيبلها البيت كل شوية ميباش سايب لها جنيه حت تجيب لنفسها أي حاجة، أنا اللي بصرف عليها من ساعة ما اتجوزت بسبب عمايله دي، فضلنا على الحال دا وكل مرة اتكلم معاه وهويقول لي خلاص هعيش معاها ومش هسيبها تاني ويرجع برضو يسيبها تاني".
أنهت عزيزة قصتها: "بنتي بقالها 3 سنين على الحال دا كل شوية يسيبها بالشهور وميعرفش حاجة عن ابنه وعايز يرجع يلاقي كل حاجة عادية، أنا لما لقيته كدا ومفيش فايدة فيه قولت لها ترفع خلع وتخلص منه، بنتي لسة صغيرة وهو معلقها ولا هي متجوزة ولا هي متطلقة".