أية للقاضي: طلقني بسبب طقم حلل سرقته حماتي
عندما تختار فتاة أن تتزوج أحد من أقاربها تظن أنها اختارت شخصا تعرف تاريخه وأصله وتربيته ولن يغدر بها في يوم من الأيام وهذا ما حدث مع أية التي تزوجت من ابن خالها في سن صغير وظنت أنه سيحميها ويتقي الله فيها لكن بعد عشرين يوما من ولادة ابنهما الثالث طلقها غيابيا بسبب تحكمات والدته.
"حاليا أنا رافعة عليه قضايا نفقة وبدل مسكن وقائمة لأن طليقي قال لي عندك المحاكم وأنا عندي اتحبس بس مش هدفعلك حاجة".. هذا ما قالته أية أمام محكمة الأسرة على نهاية علاقتها بزوجها الذي تزوجته في سن الـ 19 كان ابن خالها وكان بينهما توافق وحب لكن أمه (زوجة خال أية) كانت تكن لها الكراهية من أول شهر زواج وكانت تسعى لتدمير حياة أية وزوجها.
خلافات مع حماتها
قالت أية:" جوزي كان ابن أمه بيسمع كلامها في كل حاجة، من أول شهر جواز خلافاتي معاها هي واخته وهو مكنش في بينا خلافات، كان عاملها نسخة من مفتاح الشقة بتدخل تفتح علي وأنا نايمة وتاخد حاجتي، في أول الجواز ضربني عشان أمه كانت عايزة تاخد بطانية من جهازي اشتكيت لأمي قالتلي اديها البطانية واقصري الشر، بعدين طلبت طقم سرير وفوط من جهازي ضربني تاني عشانها اديتها برضو".
تابعت الزوجة "كنت بعملها كل حاجة وأقعد معاها طول اليوم وأول ما يجي من الشغل تقوله مراتك من الصبح معملتش أي حاجة ويضربني يقولي أمي مبتكدبش".
حماة أية ازدادت في القسوة الغير مبررة على زوجة ابنها وأطفالها بمرور السنين، تحملت الزوجة حماتها وعاشت حياتها تخدم زوجها وطفليها راجية من الله أن ترضى عنها حماتها وتتركها تعيش حياتها بسلام هي وأسرتها، لم تترك بيتها لأنها كانت تعلم إذا تركت بيتها فلن يردها زوجها بسبب أمه وكرهها لها.
حماتي بتسرق حاجاتي
قالت الزوجة عن أخر مشكلة تسببت في طلاقها من زوجها:"كنت بمسح تحت السريرلقيت في طقم الحلل ناقص قلت لجوزي أمك الوحيدة اللي معاها مفتاح الشقة ومفيش حد دخل غيرها قالي أمي تاخد اللي هي عايزاه و ضربني هو وأمه وأخته واتصل بأخويا قاله تعالى خد أختك ومشاني كنت حامل في ابني التالت بعد ماولدت مجاش سمى ابنه، أنا اللي روحت المحكمة عملت محضر وسميت أبني بعد ما ولدت بعشرين يوم بعتلي ورقة طلاقي غيابي".