زوجة للقاضي: « قضيت معاه نص عمري واكتشفت إنه متجوز وعنده عيل »
تطرق كثير من السيدات أبواب محاكم الأسرة بعد أن تنفد كل محاولات الزوجة في إصلاح الأمور واستقرار الحال بينها وبين زوجها وتتعدد طرق الانفصال إما أن تكون عن طريق الطلاق، أو الخلع.
تظاهر بالزوج والأب المثالي على مدار 17 عاما، يتعامل مع الزوجة بما يرضي الله ونعم الأب لأولاده الثلاثة، كان الأقارب والأصدقاء تتمنى زوجا وأبا في مثاليته، ولكنه كان على الجانب الأخر يمارس أبشع أنواع الخداع والزيف، فقد تزوج من أخرى منذ سبع سنوات كاملة وأنجب منها ولدا يبلغ من العمر ست سنوات دون علم الزوجة الأولى.
أقرأ ايضًا: عزة في دعوى نفقة: «5 سنين محاكم ومخدتش ولا جنيه والبنت هتطرد من المدرسة»
«اكتشفت إنه متجوز عليا بعد 17 سنة».. هكذا بدأت السيدة مروة حديثها، مؤكدة على معاملة الزوج الجيدة لها طوال فترة الزواج، تابعت: كنا كويسين مع بعض من أول الجواز وكانت كل حاجة تمام وكان كويس وحنين مع ولاده التلاتة».
أغرب قضايا محاكم الأسرة
لم تتخيل الزوجة خيانة الزوج بسبب معاملته المثالية معها ومع الأولاد ولكن حدثت صدمة العمر بالنسبة للزوجة إذ اكتشفت خيانته بالصدفة البحتة، تابعت: «مسكت موبايله عشان أشوف أخر صور لينا مع العيال ولقيت صور ليه مع واحدة تانية الأول مكنتش فاهمة مين دي وليه بيكلمها، دخلت على الواتساب وشوفت الشاتات والصور وكل حاجة بينهم وعرفت إنه متجوزها بقاله ست سبع سنين ومخلف ولد كمان».
الزوجة المصدومة أضافت: «مصدقتش نفسي أول لما شوفت الشات وكنت بتمنى إني أكون بحلم، ولما قولت له مين الست اللي بتكلمها دي قالي زميلتي كان فاكر إني معرفش حاجة ولما قولتله إني شوفت وعرفت كل حاجة قالي آه اتجوزتها عشان مبقتيش مهتمية بيا».
أقرأ أيضًا: زوجة للقاضي: «حبسني أنا وعياله 3 أيام من غير أكل والآيس لحس مخه»
قرار الانفصال
طلبت الزوجة الطلاق على الفور من الزوج بعد علمها بزواجه الثاني ولكنه رفض، تابعت الزوجة: «طلبت منه الطلاق في نفس اليوم اللي عرفت إنه متجوز عليا بس قالي أنا مش هطلق غضبت عند أهلي بقالي ست شهور وكل ما نطلب منه إنه يطلقني ميرضاش ويقولي أنا عايزكوا الاتنين ومش عايز أطلق حد فيكوا».
بعد طلبها المتكرر للطلاق ورفض الزوج الدائم ما دفع الزوجة لرفع دعوى طلاق ولا تزال القضية منظورة حتى الآن.