المتهم بقتل أمه للقاضي: الجن قالي اعمل كده والمطرية كلها سحر

حصل موقع الحادثة على نص تحقيقات النيابة مع المتهم بقتل والدته في منطقة المطرية أثناء نومها بعدما خنقها بإيشارب حيث بدأ المحقق بسؤال المتهم كالآتي..

س:ما تفصيلات اقرارك

اللى حصل ان انا كنت رايح اعمل سنانى وركب لى  دكتور السنان شريحة في سنانى والشريحة دى متصلة بعصب مخى وبتسحر وتخلى الناس تقول عليا مجنون والمطرية دى كلها سحر ، وبعدين اول امبارح اللى حصل ان كنت نايم على جنبى الشمال ومره واحدة كأن في حد بيشيل البطانية من عليا وفتح عينى ولقيت نفسى شايف امى ، فانا كنت محذرها انى هاموتها فقمت وقولت لها "موتى – موتى" وعقدت اضرب فيها بايدى الاتنين في وقت واحد وده كان السحر اللى معمول هو اللى خلانى اعمل كده وبعدين قعدت وقولت "الله يرحمك ياامى ، الباقى كله هيموت".

وأضاف المتهم في التحقيقات قائلا" اخدت غويشه وخاتم من ايدها وبعيدن اخدت الفلوس من الدولاب واخدت مفاتيح التوك توك روحت قولت لابويا بابا تعالى شوف امى عشان بتنده على اخويا محمد ، ونزلت روحت بالتوك توك للدجال وانا بسميه الدكتور وساعتها جالى وسواس ان الحكومة جايه لان انا لقيت نفسى عامل جريمة وبعدين الحكومة جت مسكتنى وقولتلهم على اللى حصل ".