بعدما خربت بيت تامر حسني وبسمة بوسيل.. ماذا تعرف عن هالة عمر ؟
حالة من الجدل يعيشها رواد مواقع التواصل الاجتماعي بعد تصدر اسم هالة عمر مسئولة السوشيال ميديا للمطرب المصري تامر حسني محركات البحث خلال الساعات الماضية بعد أن هاجمتها بسمة بوسيل ليلة زفافها
حيث توقع كل عشاق الفنان تامر حسنى أن تكون هالة عمر وراء انفصال بسمة ونجم الجيل تامر حسني.
اقرأ ايضاً :«الحادثة» يكشف تفاصيل طلاق تامر حسني وبسمة بوسيل وعلاقة البلوجر المغربية
بدأت القصة عندما نشرت الفنانة المغربية المعتزلة ، بسمة بوسيل مقطع فيديو من حفل زفاف هالة عمر مسئولة السوشيال ميديا لتامر حسني عبر خاصية أستوري، على موقع "إنستجرام" وأرفقته بتعليق قالت خلاله: "حسبي الله ونعم الوكيل فيكِ".
لم تتوقف بسمة بوسيل عند هذا الحد ، وتابعت هجومها على هالة عمر قائلة: "احترام العشرة بيبتدي باحترام مشاعر غيرك.. بالذات لو حد كان سبب رئيسي في خراب بيتك وهدم حياة ولادك".
هجوم بسمة بوسيل، على هالة عمر جعل الجميع يرجح إلى أن هالة عمر منسقة أعمال تامر حسني، وراء انفصال بسمة بوسيل عن تامر، وانهيار عش الزوجية.
اقرأ ايضاً :سرقة وتزوير وآداب.. تامر حسني مطرب مسجل فضائح
تامر حسني يكشف حقيقة حبه لـ هالة عمر
فكان رد تامر حسني على هذه الاتهامات عن علاقته بـ هالة عمر، قائلًا: «لكل اللي بيسأل عن ايه وجه القرابة بيني و بين العروسة الجميلة دي شايف اسأله كتير انا هحكيلكوا هي اسمها هاله عمر عرفتها كانت بنت من الفانز صغيره و من المقاتلين و المدافعين عن تامر على الانترنت و من كتر دفاعها عني لفتت نظري و مرة رديت عليها شكرتها و لما سافرت إسكندرية في الوقت ده لقيت بنت صغيرة أوي بتعيط و بتجري عليا فا وقفتلها وفكرتني بنفسها».
وأضاف تامر حسني: «و فضلت تعيط و تقولي احنا معاك ولازم تكمل عشان كنت بتحارب جداً في بداياتي فا اتصدمت أن اللي بتقول كده بنت صغيرة كده و المجهود ده كله اللي عاملاه بنت صغيرة عندها 14 سنة وقتها كانت السوشيال ميديا لسه بتطلع وكنا في شركتنا بندور على شركة كبيرة تمسكلي السوشيال ميديا لحد ما قولتلهم أنا مش عايز شركة كبيرة أنا عايز البنت الصغيرة دي هي اللي تمسكها فضلوا يقنعوني أن كده مش صح ولازم أكتر حد خبرة يمسكها و’نا قولت لا لازم ’كتر حد بيحبني هو اللي يمسكها وأنا واثق أن طاقة الحب مفعولها أقوى من طاقة المحترف بلا حب».
وتابع تامر: «فعرضت عليها تشتغل معايا و هي في السن ده مصدقتش طبعاً و من ساعتها و هي اللي ماسكه كل شغل الميديا الطفلة الشاطرة اللي كبرت دلوقتي قدامكم هاله عمر، أما بقى عريسها العسل ده اسمه عمرو طلب إيديها مني أنا عشان والدها و والدتها توفاهم الله في سنه واحدة رحمهم ».
وأكمل تامر حسني: «ومن اللحظة دي اتحولت هالة لبنتي الكبيرة بجد اللي بتتجوز دلوقتي قدامي وبسلمها لعريسها بنفسي وبغني في فرحها، معرفتش ارد على كلامك عني في الفرح يا هالة رديت دلوقتي هنا ربنا يكرمك ويسعدك مع جوزك الجميل المحترم اللي هيكون ضهرك وسندك ويكمل معاكي مشوار حياتك مع أولادكم الجُمال بإذن الله».
اقرأ ايضاً :ثنائي مبدع.. الجمهور يتغنى بمِشاركة دينا الشربيني تامر حسنى بطولة فيلم “تاج”
طلاق بسمة بوسيل وتامر حسنى
أعلنت بسمة بوسيل منذ أسابيع انفصالها رسميا عن "تامر" عبر حسابها على موقع "إنستجرام".
وكتبت "بسمة"، عبر خاصية "ستوري": "وجعلنا بينكم مودة ورحمة.. ده كلام ربنا في الزواج والطلاق.. لقد تم الطلاق بيني وبين تامر وسيظل بيننا كل ود واحترام".
ووجهت رسالة إلى تامر حسني، قالت فيها: "ربنا يكتبلك ويكتب لي كل الخير".
ونشر تامر حسني نفس "ستوري" بسمة بوسيل على حسابه في "إنستغرام" قائلا: "وجعلنا بينكم مودة ورحمة بين الأزواج في كل حالاتهم سواء تزوجوا ولم يقدّر الله الاستمرار فانفصلوا بالاتفاق الطيب، ستظل بينا المودة والرحمة وأجمل أولاد، وسيظل بيننا الاحترام والتقدير، عشرة 12 عام مش هينة، ربنا يكتبلك ويكتبلي كل الخير يا بسوم، سأظل الأب والأخ والصديق والسند في حفظ الله".